IPL 2026: પંજાબ કિંગ્સનો વિજય, ગુજરાત ટાઇટન્સને 3 વિકેટે હરાવ્યું

કૂપર કોનોલીની 72 રનની તોફાની ઇનિંગ; ચહલ અને વૈશાખની શાનદાર બોલિંગ સામે ગુજરાતનું બેટિંગ લાઇન-અપ નિષ્ફળ રહ્યું, Punjab Kings 165/7, Gujarat Titans 162/6

ન્યૂ ચંદીગઢ (મુલ્લાંપુર): મંગળવારે (31 માર્ચ) રમાયેલી IPL 2026 ના ચોથા મુકાબલામાં પંજાબ કિંગ્સે ગુજરાત ટાઇટન્સને 3 વિકેટે હરાવીને ટૂર્નામેન્ટમાં જીત સાથે આગાઝ કર્યો છે. પંજાબે ટોસ જીતીને પ્રથમ બોલિંગ કરવાનો નિર્ણય કર્યો હતો, જે સાચો સાબિત થયો હતો. ગુજરાતે 20 ઓવરમાં 162/6 રન બનાવ્યા હતા, જે લક્ષ્યાંકને પંજાબે 19.1 ઓવરમાં 7 વિકેટ ગુમાવીને હાંસલ કરી લીધો હતો.

કૂપર કોનોલીનો વિસ્ફોટક ડેબ્યૂ

પંજાબ કિંગ્સની જીતનો સૌથી મોટો હીરો ડેબ્યુટન્ટ કૂપર કોનોલી રહ્યો હતો. જ્યારે ટીમ મુશ્કેલીમાં હતી, ત્યારે કોનોલીએ એક છેડો સાંભળી રાખ્યો અને માત્ર 44 બોલમાં અણનમ 72 રન (5 ચોગ્ગા, 5 છગ્ગા) ફટકારીને ટીમને જીત અપાવી હતી. તેણે 19મી ઓવરમાં આક્રમક બેટિંગ કરીને મેચ પંજાબ તરફ વાળી દીધી હતી.

ગુજરાતની બેટિંગ અને પંજાબની ધારદાર બોલિંગ

ગુજરાત ટાઇટન્સની શરૂઆત સારી રહી હતી. કેપ્ટન શુભમન ગિલ (39) અને જોસ બટલર (38) એ સારી ભાગીદારી કરી હતી, પરંતુ મિડલ ઓર્ડરમાં યુઝવેન્દ્ર ચહલની ચાલાકી કામ કરી ગઈ હતી.

યુઝવેન્દ્ર ચહલ: 4 ઓવરમાં 28 રન આપીને 2 વિકેટ ઝડપી, જેમાં ગિલની મહત્વની વિકેટ સામેલ હતી.
વૈશાખ વિજયકુમાર: તેણે 34 રન આપીને 3 વિકેટ ઝડપી અને ગુજરાતના મધ્યક્રમને તોડી નાખ્યો હતો.
ગુજરાતે એક સમયે મોટા સ્કોર તરફ જતી દેખાતી હતી, પરંતુ પંજાબના બોલરોએ તેને 162 રન પર રોકી દીધું હતું.

રોમાંચક રન-ચેઝ

163 રનના લક્ષ્યાંકનો પીછો કરતા પંજાબની શરૂઆત ધીમી રહી હતી. એક સમયે સ્કોર 83/1 થી 118/6 થઈ ગયો હતો અને ગુજરાત મેચમાં પરત ફર્યું હોય તેમ લાગતું હતું. પરંતુ કોનોલીએ માર્કો જાનસેન (9) અને ઝેવિયર બાર્ટલેટ (11*) સાથે મળીને ટીમને 19.1 ઓવરમાં 165 રન સુધી પહોંચાડી દીધી હતી.