ન્યૂઝીલેન્ડ ભૂકંપ અપડેટ: તીવ્રતા ઘટીને 5.9 થઈ, સુનામીની ગંભીર ચેતવણી પાછી ખેંચાઈ પરંતુ દરિયાકાંઠે હજુ પણ જોખમ, શરૂઆતમાં 6.3 ની તીવ્રતાના અહેવાલો બાદ GeoNet એ સુધારો કર્યો; 20,000 થી વધુ લોકોએ અનુભવ્યા આંચકા; પીએમ લક્સન વિદેશ પ્રવાસથી પણ રાખી રહ્યા છે નજર

ન્યૂઝીલેન્ડના નીચલા દક્ષિણ ટાપુ (Lower South Island) માં તે અનાઉ (Te Anau) નજીક આવેલા શક્તિશાળી ભૂકંપ અંગે મોનિટરિંગ એજન્સી GeoNet અને ઇમરજન્સી મેનેજમેન્ટ એજન્સી (NEMA) દ્વારા મહત્વના અપડેટ જાહેર કરવામાં આવ્યા છે. શરૂઆતમાં રિક્ટર સ્કેલ પર 6.3 ની તીવ્રતા દર્શાવતા આ ભૂકંપની તીવ્રતા પાછળથી સુધારીને 5.9 કરવામાં આવી છે.

ભૂકંપની તીવ્રતા ઘટવાને કારણે NEMA દ્વારા અગાઉ જારી કરાયેલી દરિયાકાંઠાના વિસ્તારોને તાત્કાલિક ખાલી કરવાની (Evacuation) સુનામી ચેતવણીને હવે હળવી કરીને માત્ર એક ‘એડવાઇઝરી’ (સલાહ) માં ફેરવી દેવામાં આવી છે.

ભૂકંપની સચોટ વિગતો અને આફ્ટરશોક્સ:

  • સુધારેલી તીવ્રતા: 5.9
  • સમય: રાત્રે 9.14 વાગ્યે
  • કેન્દ્રબિંદુ: તે અનાઉ થી 40 કિલોમીટર ઉત્તરે
  • ઊંડાઈ: જમીનથી 53 કિલોમીટર નીચે
  • લોકોનો પ્રતિસાદ: જીઓનેટ (GeoNet) ની વેબસાઇટ પર 20,000 થી વધુ લોકોએ આ જોરદાર ધ્રુજારી અનુભવી હોવાની નોંધ કરાવી છે. મુખ્ય ભૂકંપ બાદ તે અનાઉ વિસ્તારમાં જ અન્ય 7 જેટલા હળવા આંચકા (Aftershocks) પણ નોંધાયા છે.

સુનામીની ચેતવણી ડાઉનગ્રેડ: હવે સ્થળાંતરની જરૂર નથી

આ અગાઉ, જ્યારે ભૂકંપની તીવ્રતા 6.3 આંકવામાં આવી હતી, ત્યારે NEMA એ મિલફોર્ડ સાઉન્ડ (Milford Sound) થી લઈને પુઈસેગુર પોઈન્ટ (Puysegur Point) સુધીના વેસ્ટ કોસ્ટના રહેવાસીઓને તાત્કાલિક ઊંચાણવાળા વિસ્તારોમાં જતા રહેવા આદેશ આપ્યો હતો.

પરંતુ ડેટા અપડેટ થયા બાદ એજન્સીએ સ્પષ્ટ કર્યું છે કે હવે દરિયાકાંઠાના વિસ્તારોમાં પૂર (Coastal flooding) આવવાનું કોઈ જોખમ નથી, જેથી સ્થાનિક સિવિલ ડિફેન્સના આદેશ વિના ઘર છોડીને જવાની જરૂર નથી.

ચાલુ રહેલું જોખમ: ભલે સ્થળાંતરની ચેતવણી હટાવી લેવામાં આવી હોય, પરંતુ NEMA એ ચેતવણી આપી છે કે દક્ષિણ ટાપુના પશ્ચિમ કિનારે હજુ પણ દરિયામાં અત્યંત મજબૂત, અસામાન્ય કરંટ (મોજાં) અને અણધાર્યા ઉછાળા આવી શકે છે. જેથી લોકોને દરિયાકિનારા અને નદીના મુખથી દૂર રહેવા જણાવાયું છે.

વિદેશ પ્રવાસેથી વડાપ્રધાન રાખી રહ્યા છે નજર

વડાપ્રધાન કાર્યાલયે ન્યૂઝીલેન્ડ હેરાલ્ડને જણાવ્યું છે કે વડાપ્રધાન ક્રિસ્ટોફર લક્સન હાલમાં દેશની બહાર (વિદેશ પ્રવાસે) હોવા છતાં, તેમને પળેપળની સ્થિતિથી માહિતગાર રાખવામાં આવી રહ્યા છે. અગાઉ પીએમ લક્સનના સત્તાવાર X (ટ્વિટર) એકાઉન્ટ પરથી પણ નેશનલ ઇમરજન્સી મેનેજમેન્ટ એજન્સીની સુનામી એલર્ટની પોસ્ટ શેર કરીને લોકોને સાવચેત કરવામાં આવ્યા હતા. પર આ “મજબૂત” ધ્રુજારી અનુભવી હોવાની માહિતી આપી હતી.

જીઓનેટના પ્રારંભિક ડેટા મુજબ:

  • તીવ્રતા: રિક્ટર સ્કેલ પર 6.3
  • સમય: રાત્રે 9.14 વાગ્યે
  • કેન્દ્રબિંદુ (Epicentre): તે અનાઉ (Te Anau) થી 40 કિલોમીટર ઉત્તરે
  • ઊંડાઈ (Depth): જમીનથી 51 કિલોમીટર નીચે નોંધાઈ હતી.

ઇમરજન્સી એજન્સીઓએ દરિયાકાંઠાના વિસ્તારોમાં રહેતા લોકોને સતર્ક રહેવા અને સત્તાવાર સૂચનાઓનું પાલન કરવા અપીલ કરી છે. હાલમાં નુકસાનીના વિગતવાર અહેવાલોની પ્રતીક્ષા સેવાઈ રહી છે.