વિક્ટોરિયા સુપ્રીમ કોર્ટમાં સુનાવણી શરૂ: 22 વર્ષીય નવજીત સિંહની હત્યા અને અન્ય એક યુવક પર હુમલો કરવાના મામલે રોબિન રોબિન સામે ટ્રાયલ

મેલબોર્ન: ઓસ્ટ્રેલિયાના મેલબોર્નમાં એક ભારતીય વિદ્યાર્થીની છરી મારીને હત્યા કરવાના આરોપમાં 29 વર્ષીય રોબિન રોબિન સામે વિક્ટોરિયાની સુપ્રીમ કોર્ટમાં ટ્રાયલ શરૂ થઈ છે. આરોપ છે કે મે 2024માં બનેલી આ ઘટના બાદ ધરપકડ સમયે રોબિને પોલીસ સમક્ષ પોતાનો ગુનો કબૂલ્યો હતો.

હરિયાણાના બે ભાઈઓની ન્યુ સાઉથ વેલ્સથી ધરપકડ, વતન કરનાલના જ યુવકની કરી હતી હત્યા, ભાડાના વિવાદમાં મધ્યસ્થી કરવા ગયેલા એમ.ટેક (MTech) ના વિદ્યાર્થી નવજીત સંધુ પર છરી વડે કરાયો હતો હુમલો: આરોપીઓને વિક્ટોરિયા લાવવાની તજવીજ

ઘટનાની વિગત અને વિવાદનું કારણ પ્રોસીક્યુશનના જણાવ્યા અનુસાર, 5 મે 2024 ના રોજ ઓરમંડ (Ormond) વિસ્તારમાં આવેલા એક ભાડાના મકાનમાં આ હિંસક ઘટના બની હતી. આરોપી રોબિન અને તેના ભાઈ અભિજીતે એક પાર્ટીનું આયોજન કર્યું હતું. આ દરમિયાન તેમનો રૂમમેટ શવન સિંહ પાના રમવા માટે નવજીત સિંહના ઘરે ગયો હતો. આ બાબતે વિવાદ થતા બંને ભાઈઓએ શવનને વારંવાર ફોન કરીને ગાળો આપી હતી અને તેનો સામાન લઈ જવા માટે દબાણ કર્યું હતું.

જીવલેણ હુમલો અને હસ્તક્ષેપ જ્યારે શવન સિંહ ઘરે પરત ફર્યો ત્યારે રોબિને રસોડાની છરી વડે તેના પર હુમલો કર્યો હતો. નવજીત સિંઘ (22 વર્ષ), જે હસ્તક્ષેપ કરવા અને વચ્ચે બચાવ કરવા આવ્યો હતો, તેના પર રોબિને છરીના ઘા ઝીંક્યા હતા. કોર્ટમાં રજૂ કરાયેલા સીસીટીવી ફૂટેજ અને ઉબેર ડેશકેમ ફૂટેજમાં જોવા મળ્યું હતું કે નવજીત જમીન પર પડ્યો હતો ત્યારે પણ તેના પર હુમલો કરવામાં આવ્યો હતો.

આરોપીની કબૂલાત અને ધરપકડ ઘટના બાદ બંને ભાઈઓ ન્યુ સાઉથ વેલ્સ ભાગી ગયા હતા, જ્યાં 7 મેના રોજ તેમની ધરપકડ કરવામાં આવી હતી. ધરપકડ દરમિયાન રોબિને પોલીસને કહ્યું હતું કે, “હું ગુનેગાર છું, મારો ભાઈ નિર્દોષ છે, તેણે કંઈ કર્યું નથી.” જોકે, અત્યારે કોર્ટમાં રોબિને પોતાને નિર્દોષ ગણાવ્યો છે.

પીડિત નવજીત સિંહ કોણ હતો? નવજીત સિંહ (નવજીત સંધુ તરીકે પણ ઓળખાય છે) ભારતનો એક આંતરરાષ્ટ્રીય વિદ્યાર્થી હતો. નવજીતનું ઘટનાસ્થળે જ મોત નીપજ્યું હતું, જ્યારે શવન સિંહ બચી ગયો હતો. નવજીત સંધુ નવેમ્બર 2022માં સ્ટડી વિઝા પર ઓસ્ટ્રેલિયા આવ્યો હતો અને મેલબોર્નમાં એમ.ટેક (MTech) નો અભ્યાસ કરી રહ્યો હતો. તે તેના માતા-પિતાનો એકમાત્ર પુત્ર અને બે બહેનોનો લાડકો ભાઈ હતો. એક સામાન્ય ખેડૂત પરિવારમાંથી આવતો નવજીત તેના પરિવારનું ભવિષ્ય સુધારવાના સપના સાથે વિદેશ ગયો હતો, પરંતુ એક વિવાદમાં મધ્યસ્થી કરવા જતાં તેણે પોતાનો જીવ ગુમાવ્યો.

પરિવારમાં શોકનું મોજું નવજીતના પરિવારે આક્ષેપ કર્યો છે કે આ હુમલો તેમના પુત્રના કોઈ પરિચિત વ્યક્તિ સાથેના વિવાદને કારણે થયો હતો. ‘GoFundMe’ પેજ પર નવજીતને એક તેજસ્વી અને મહત્વાકાંક્ષી યુવક તરીકે વર્ણવવામાં આવ્યો છે, જેણે બીજાનો જીવ બચાવવા જતાં પોતાની આહુતિ આપી દીધી.