વિવાદો બાદ પણ દર્શકોનો ઉત્તમ પ્રતિસાદ, હજુ રવિવારે પણ હિટ થવાની શક્યતા
સુદીપ્તો સેન દ્વારા નિર્દેશિત ફિલ્મ ‘ધ કેરાલા સ્ટોરી’ આ દિવસોમાં ચર્ચામાં છે. ટ્રેલર રિલીઝ થયા બાદ ફિલ્મ વિવાદોમાં ઘેરાઈ ગઈ હતી, ત્યારબાદ તેની રિલીઝ પર પ્રતિબંધની પણ માંગ કરવામાં આવી રહી હતી, સાથે સાથે તમામ વિવાદો બાદ પણ આ ફિલ્મ 5 મે 2023ના રોજ થીયેટરમાં રિલીઝ થઈ હતી અને તેને ઉત્તમ પ્રતિસાદ મળ્યો હતો. પહેલો દિવસ શાનદાર રહ્યો, બીજા દિવસે પણ ફિલ્મે ઘણી કમાણી કરી છે.
આજે આખો દેશ વિપુલ અમૃતલાલ શાહ નિર્મિત ફિલ્મ ‘ધ કેરળ સ્ટોરી’ વિશે ચર્ચા કરી રહ્યો છે. ટ્રેલર રિલીઝ થયું ત્યારથી જ લોકો ફિલ્મ જોવા માટે ઉત્સુક હતા. સાચી ઘટના પર આધારિત ફિલ્મનું ઓપનિંગ કલેક્શન શાનદાર હતું અને ઘણી કમાણી કરી હતી. આ ફિલ્મે શુક્રવારે 8 કરોડ રૂપિયાનો બિઝનેસ કર્યો હતો. હવે બીજા દિવસે ફિલ્મની કમાણીમાં મોટો ઉછાળો આવ્યો છે.
‘ધ કેરળ સ્ટોરી’એ બીજા દિવસે એટલે કે પહેલા શનિવારે બોક્સ ઓફિસ પર ધમાલ મચાવી છે. SacNilk ના શરૂઆતી ટ્રેડ્સ અનુસાર, ફિલ્મે શનિવારે 12.50 કરોડ રૂપિયાનો બિઝનેસ કર્યો છે. જો કે, કમાણીનો આંકડો આનાથી વધુ કે ઓછો હોઈ શકે છે.
શું છે કેરળ સ્ટોરીની વાર્તા ?
‘ધ કેરળ સ્ટોરી’ કેરળની 3 છોકરીઓની વાર્તા છે, જેમાં તેમને પહેલા બ્રેઈનવોશ કરીને અન્ય ધર્મમાં ફેરવવામાં આવે છે અને પછી તેઓ આતંકવાદી સંગઠન ISISમાં જોડાય છે. ફિલ્મના ટ્રેલર બાદ તે વિવાદોમાં સપડાઈ હતી. ઘણા નેતાઓ આ ફિલ્મ પર પ્રતિબંધ મૂકવાની માંગ પણ કરી રહ્યા હતા. ફિલ્મની રિલીઝ પર રોક લગાવવા માટેની અરજી પણ સુપ્રીમ કોર્ટમાં દાખલ કરવામાં આવી હતી, જેને ફગાવી દેવામાં આવી હતી.
કેરળ સ્ટોરીની સ્ટાર કાસ્ટ
ફિલ્મમાં અદા શર્મા, યોગિતા બિહાની, સિદ્ધિ ઈદનાની અને સોનિયા બાલાની મુખ્ય ભૂમિકામાં છે. ચારેયની એક્ટિંગની ખૂબ પ્રશંસા થઈ રહી છે.
