જુલાઇમાં પહેલી ઉડાન ભરવા માટે અકાસા એરલાઇન્સ આતુર
નમસ્કાર ગુજરાત ન્યૂઝ
ડોમેસ્ટિક એવિએશન સેક્ટરમાં ટૂંક સમયમાં જ હંગામો થવાનો છે. એર ઈન્ડિયા પહેલેથી જ ટાટા ગ્રૂપનો હિસ્સો બની ચૂકી છે અને તે પછી સેવામાં સુધારો થવા લાગ્યો છે. તો આ તરફ જેટ એરવેઝ પણ તૈયાર છે ઉડાન ભરવા માટે ત્યારે રાકેશ ઝુનઝુનવાલાની ઇન્વેસ્ટમેન્ટ એરલાઇન કંપની અકાસા એરલાઇન પણ ટૂંક સમયમાં ઉડાન ભરવાની તૈયારી કરી રહી છે. આ પહેલા અકાસા એરલાઈને સોમવારે તેના વિમાનની પ્રથમ તસવીર જાહેર કરી હતી.
કંપનીએ ટ્વિટર પર વિમાનની બે તસવીરો શેર કરી છે. એક છબી આખું વિમાન બતાવે છે, જે નારંગી અને સફેદ રંગનું છે અને એરલાઇનનું નામ વાદળી રંગમાં લખેલું છે. આ તસવીર સાથે, કંપનીએ કેપ્શન આપ્યું, ‘હવે શાંત રહી શકતો નથી! અમારા QP-Pie ને હાય કહો.’ અન્ય ટ્વિટમાં, કંપનીએ એરક્રાફ્ટનો ફ્રન્ટ લુક શેર કર્યો, જેમાં વાદળી રંગમાં YAA લખેલું જોવા મળે છે.
આખરે ક્યારે શરૂ થશે અકાસા એરલાઇન્સનું પરિચાલન
અકાસા એર આ વર્ષે જુલાઈથી કોમર્શિયલ ઓપરેશન શરૂ કરવાની યોજના બનાવી રહી છે. કંપનીને એક ‘QP’ કોડ આપવામાં આવ્યો છે, જે તેણે પોતે થોડા દિવસો પહેલા આપ્યો હતો. ત્યારબાદ કંપનીએ એક તસવીર પોસ્ટ કરી હતી, જેમાં લખ્યું હતું, ‘QP, હવે પાર્ટી શરૂ થઈ ગઈ છે.’ આ સાથે, કંપનીએ કેપ્શન આપ્યું હતું… તેનો એરલાઇન કોડ ‘QP’ જાહેર કરતાં ગર્વ અનુભવું છું.
કંપનીએ બોઇંગ પાસેથી કેટલા એરક્રાફ્ટ ખરીદ્યા ?
અગાઉ સમાચારમાં કહેવામાં આવ્યું હતું કે અકાસા એરલાઇનની ફ્લાઈટ્સ શરૂ કરવામાં વિલંબ થઈ શકે છે. કંપનીને આ વિલંબ વિમાનોની ડિલિવરી મોકૂફ રાખવાને કારણે થઈ રહ્યો છે. ત્યારબાદ કંપનીએ કહ્યું કે તેને જૂનની શરૂઆતમાં પહેલું પ્લેન મળવાની અપેક્ષા છે. આ પછી જુલાઈની શરૂઆતથી કામગીરી શરૂ થઈ શકશે. કંપનીને ગયા વર્ષે ઓગસ્ટમાં જ સરકાર તરફથી એનઓસી મળી હતી. કંપની બોઇંગ પાસેથી 72 બોઇંગ 737 મેક્સ એરક્રાફ્ટ ખરીદી રહી છે.
