ગરવી ગુજરાત NZ ચેરિટેબલ ટ્રસ્ટના ઉપક્રમે યોજાઈ અનોખી ફેન્સી ડ્રેસ સ્પર્ધા; બાળકોએ ગુજરાતી સાહિત્યના કવિઓ અને શિવ-ગણેશ, નટરાજ-અપસ્મારના પાત્રો ભજવી આકર્ષણ જમાવ્યું
જીજ્ઞા રાજગોર જોશી – નમસ્કાર ગુજરાત ન્યૂઝ: ઑકલેન્ડ ન્યુઝીલેન્ડના ઑકલેન્ડમાં વસતા ગુજરાતી સમાજ અને નવી પેઢીને ભારતીય સંસ્કૃતિ તેમજ ભવ્ય વારસાથી પરિચિત કરાવવા માટે ગરવી ગુજરાત ચેરિટેબલ ટ્રસ્ટ (Garvi Gujarati NZ Charitable Trust) દ્વારા એક સરાહનીય પ્રશંસનીય કાર્યક્રમનું આયોજન કરવામાં આવ્યું હતું. રવિવારના રોજ ઑકલેન્ડના કેલસ્ટન કોમ્યુનિટી સેન્ટર (Kelston Community Centre) ખાતે “આઇકોન ઓફ ઇન્ડિયા” (Icon of India) ફેન્સી ડ્રેસ સ્પર્ધાનું અત્યંત સફળતાપૂર્વક આયોજન કરવામાં આવ્યું હતું. આ કાર્યક્રમનો મુખ્ય ઉદ્દેશ્ય ભારતભૂમિના એવા પ્રેરણાદાયી વ્યક્તિત્વોને યાદ કરવાનો હતો જેમણે ભારતના સાંસ્કૃતિક અને ઐતિહાસિક વારસાને સમૃદ્ધ બનાવ્યો છે. માત્ર આટલું જ નહીં પરંતુ ધાર્મિક જ્ઞાન પ્રદાન કરતી રજૂઆતો પણ બાળકો અને યુવાઓ દ્વારા રજૂ કરાઇ હતી.
આ સ્પર્ધામાં સ્થાનિક બાળકો અને યુવાનોએ ખૂબ જ ઉત્સાહભેર ભાગ લીધો હતો. ભારતની મહાન વિભૂતિઓ, ક્રાંતિવીરો, વૈજ્ઞાનિકો અને પૌરાણિક પાત્રોની વેશભૂષા ધારણ કરીને બાળકોએ મંચ પર પોતાની અદભૂત કલાત્મક પ્રસ્તુતિઓ દ્વારા સૌના દિલ જીતી લીધા હતા. આ મહોત્સવ નવી પેઢીમાં ભારતીય સંસ્કારો, માન્યતાઓ અને દેશભક્તિના મૂલ્યોનું સિંચન કરવા માટે એક સુંદર માધ્યમ બન્યો હતો.
ગુજરાતી સાહિત્ય અને પૌરાણિક કથાઓનું સુંદર મિશ્રણ
આ મહોત્સવ માત્ર વેશભૂષા પૂરતો મર્યાદિત ન રહેતા, બાળકોએ ગુજરાતી કવિઓ અને ગુજરાતી સાહિત્યના ગૌરવશાળી સાંસ્કૃતિક વારસાને પણ યાદ કર્યો હતો. કાર્યક્રમ દરમિયાન રજૂ કરાયેલી ધાર્મિક પ્રસ્તુતિઓ સમગ્ર સભા માટે મુખ્ય આકર્ષણનું કેન્દ્ર બની હતી. જેમાં ભગવાન શિવ, માતા પાર્વતી અને ગણેશજીના પરિવાર પર આધારિત નાટિકા તેમજ નટરાજ અને અપસ્માર (Nataraj and Apasmara) ની પ્રસ્તુતિએ લોકોને મંત્રમુગ્ધ કર્યા હતા. યુવાનો અને બાળકો દ્વારા કુલ 41 જેટલી અદભૂત પ્રસ્તુતિઓ રજૂ કરવામાં આવી હતી.
પૌરાણિક કથાઓનું ઊંડાણપૂર્વકનું જ્ઞાન
કાર્યક્રમમાં ભજવાયેલા ધાર્મિક પાત્રો પાછળ સનાતન ધર્મની ખૂબ જ ઊંડી અને પ્રેરણાદાયી કથાઓ જોડાયેલી છે, જે નવી પેઢી માટે જાણવી અત્યંત જરૂરી છે:
- શિવ, પાર્વતી અને ગણેશ પરિવાર: આ પ્રસ્તુતિ દ્વારા પરિવારોના આદર્શ મૂલ્યો, પરસ્પર આદર અને ભક્તિની વાર્તા રજૂ કરવામાં આવી હતી. ભગવાન શિવ અને માતા પાર્વતીના પુત્ર ગણેશજી કેવી રીતે બુદ્ધિ અને વિવેકના દેવતા કહેવાયા, તે કથા સુંદર રીતે જીવંત કરી હતી.
- નટરાજ અને અપસ્માર (Nataraj and Apasmara) ની કથા: હિન્દુ પૌરાણિક કથાઓ અને શિલ્પકલામાં ભગવાન શિવનું નટરાજ સ્વરૂપ ખૂબ જ મહત્વનું છે. નટરાજ નૃત્ય કરતી વખતે પોતાના જમણા પગ નીચે એક વામન (નાના કદના) રાક્ષસને દબાવી રાખે છે, જેનું નામ ‘અપસ્માર’ છે. અપસ્માર એ આધ્યાત્મિક અજ્ઞાન, અહંકાર, આળસ અને અંધકારનું પ્રતીક છે. બ્રહ્માંડના સંતુલન માટે આ અજ્ઞાન પર વિજય મેળવવો અનિવાર્ય હોવાથી ભગવાન શિવ તેના પર તાંડવ નૃત્ય કરે છે. આ પ્રસ્તુતિએ ઉપસ્થિત શ્રોતાઓને મન પર કાબૂ મેળવવાનો અને અજ્ઞાનતા દૂર કરવાનો ઊંડો આધ્યાત્મિક સંદેશ આપ્યો હતો.
કલાકારો અને પ્રસ્તુતિઓની સંપૂર્ણ યાદી
તમામ 41 પ્રસ્તુતિઓ અને કલાકારોની યાદી નીચે મુજબ છે:
| ક્રમ | કલાકારનું નામ (Names of performer) | પાત્ર / વિષય (Icons) | પ્રસ્તુતિનો પ્રકાર (Type of Performance) |
| 1 | અનુજા દેસાઈ (Anuja Desai) | – | પ્રાર્થના (Prayers) |
| 2 | પ્રાંશી ફાનસે (Pranshi Fanse) | ઝાંસી કી રાની | સ્પીચ (Speech) |
| 3 | હર્ષ પંડ્યા (Harsh Pandya) | અદલની દેશભક્તિપૂર્ણ ગુજરાતી કવિતા | કાવ્ય પઠન (Poem recitation) |
| 4 | મંત્ર ચૌહાણ (Mantra chauhan) | અવકાશયાત્રી શુભાંશુ શુક્લા | સ્પીચ (Speech) |
| 5 | મિહાન શાહ (Mihan shah) | બ્રહ્મગુપ્ત | સ્પીચ (Speech) |
| 6 | વિવિધ બાળકો | – | કિડ્સ રેમ્પ વોક (Kids Ramp Walk) |
| 7 | અનુજા દેસાઈ અને હૃદયાંશ (Anuja desai & Hridaan) | યશોદા અને કૃષ્ણ | – |
| 8 | મિકુલ પટેલ (Mikul Patel) | કૃષ્ણ | – |
| 9 | મિવાન શાહ (Mivaan Shah) | કૃષ્ણ | – |
| 10 | કવિશ (Kavish) | કૃષ્ણ | – |
| 11 | આરવ પટેલ (Aarav Patel) | બલરામ | – |
| 12 | પ્રાંશી ગાલાણી (pranshi galani) | રાધા | – |
| 13 | ક્રિષ્નવી શાહ અને ક્રિશવ (Krishnvi shah & krishav) | રાધા અને કૃષ્ણ | – |
| 14 | આર્ય દેસાઈ અને નેહાન પરમાર (Arya Desai & Nehaan parmar) | રાધા અને કૃષ્ણ | – |
| 15 | પાહી દેસાઈ (Pahi Desai) | મીરાંબાઈ | – |
| 16 | રૂવી શેઠ (Ruvee Sheth) | મીરાંબાઈ | – |
| 17 | પ્રિહાન પટેલ (Prihaan patel) | રામ ભગવાન | – |
| 18 | આરવ પટેલ (Aarav Patel) | હનુમાનજી | – |
| 19 | આર્યન દરજી (Aryan darji) | હનુમાનજી | – |
| 20 | યશવી શાહ (Yashvi Shah) | ભારત માતા | – |
| 21 | મહેક દરજી (Mehek darji) | લક્ષ્મી દેવી | – |
| 22 | અબીર જામ (Abeer Jam) | સાઈ બાબા | – |
| 23 | મિવાન પટેલ (Mivaan Patel) | ભગત સિંહ | – |
| 24 | અહાન (Ahaan) | વિરાટ કોહલી | – |
| 25 | વીર શેઠ (Veer Sheth) | સચિન તેંડુલકર | – |
| 26 | મૈરવ તાલાજીયા (Mairav Talajia) | એ.પી.જે. અબ્દુલ કલામ | – |
| 27 | વિવિધ બાળકો | – | બર્થડે મન્થ ફોર કિડ્સ (Birthday Month for Kids) |
| 28 | અનાયા પટેલ (Anaaya Patel) | નાઈકી દેવી | સ્પીચ (Speech) |
| 29 | દેવલ ઠાકર, મેઘના ઠાકર (Deval Thaker, Meghna Thaker) | કૃષ્ણ, રુકમિણી અને સત્યભામા | ડાન્સ (Dance) |
| 30 | નિરાલી પટેલ (Nirali Patel) | તોરલ | વાર્તા કથન (Story-telling) |
| 31 | હિતેશ דવે અને ગ્રુપ (Hitesh Dave & Group) | વિવિધ પાત્રો | નાટક (Skit) |
| 32 | હેતલ ભગત (Hetal bhagat) | ઈન્દિરા ગાંધી | સ્પીચ (Speech) |
| 33 | આરોહી જૈન, આર્ય કામદાર, ખુશી શાહ | ડ્યુઓ (બે જોડી) | ડાન્સ (Dance) |
| 34 | ભાવિકા અને ગ્રુપ (Bhavika and group) | શોર્ટ સ્કીટ | નાટક (Skit) |
| 35 | – | – | સ્પોર્ટ્સ ઇવેન્ટ ઇન્ફોર્મેશન (Sports event information) |
| 36 | હસ્તી, રાઝવી અને રાશી (Hasti, Rajavi and Rashi) | મા કાલી, સરસ્વતી અને લક્ષ્મીમાતા | ભગવાનની મૂર્તિઓનો પરિચય (Introduction of God idols) |
| 37 | ચંદ્રિકા જે પટેલ (Chandrika j patel) | ઝાંસી ની રાની | સ્પીચ (Speech) |
| 38 | જાનકી પીઠવા અને ગ્રુપ (Janki pithwa) | વરુણ, જાનકી અને યુગ (મહાદેવ, પાર્વતી અને ગણપતિ તરીકે) | નાટક (Skit) |
| 39 | કેયા નાગર (Keya Nagar) | ચારણકન્યા | ડાન્સ (Dance) |
| 40 | કરિશ્મા મલેક અને બિનલ નાગર (Karishma Malek & binal nagar) | નટરાજ અને અપસ્માર | ડાન્સ (Dance) |
| 41 | મનીષા ઠક્કર (Manisha Thakkar) | રાધા રાણી | રેમ્પ વોક (Ramp Walk) |
આ ભવ્ય આયોજન બદલ ઉપસ્થિત તમામ વાલીઓ અને મહેમાનોનો સંસ્થાના પ્રમુખ કિરીટ ઠાકરે ગરવી ગુજરાતી ચેરિટેબલ ટ્રસ્ટના સભ્યો અને સ્વયંસેવકોનો આભાર વ્યક્ત કર્યો હતો, જેમને સાત સમુદ્ર પાર ન્યુઝીલેન્ડની ધરતી પર ભારતીય સંસ્કૃતિની સુવાસ ફેલાવવાનું અદભૂત કાર્ય કર્યું છે.
