લલિત મોદીએ સુસ્મિતા સેન સાથેના સંબંધોને જાહેર કરીને ચોંકાવ્યા, બેટર હાફ કહીને લગ્નનો પણ કર્યો ઇજહાર
અગાઉ રોહમન શૉલ સાથે સુસ્મિતાનું હતું અફેર
પૂર્વ મિસ યુનિવર્સ સુષ્મિતા સેનના ચાહકો માટે મોટા સમાચાર છે. સુષ્મિતા સેન આ દિવસોમાં IPLના પૂર્વ કમિશનર લલિત મોદીને ડેટ કરી રહી છે. લલિત મોદીએ પોતાના ઓફિશિયલ ટ્વિટર એકાઉન્ટ પર ઘણી તસવીરો સાથે ટ્વિટ કરીને આ જાણકારી આપી હતી.
લલિત મોદીએ પોતાના ઓફિશિયલ ટ્વિટર હેન્ડલ પરથી રોમેન્ટિક તસવીરો શેર કરી અને લખ્યું- લંડન, માલદીવ્સ અને સાર્દિનિયામાં પરિવાર સાથે સમય વિતાવ્યો. નોંધનીય છે કે લલિત મોદીની પત્ની મિનલ મોદીનું લંડનમાં ડિસેમ્બર 2018માં નિધન થયું છે. આ તરફ લલિત મોદી આર્થિક અનિયમિતતાના આરોપ હેઠળ 2010થી બીસીસીઆઇ દ્વારા પ્રતિબંધિત છે.
અગાઉ રોહમન શૉલ સાથે સુસ્મિતાનું હતું અફેર
બોલિવૂડ એક્ટ્રેસ સુષ્મિતા સેન ફરી એકવાર પોતાની લવ લાઈફને કારણે ચર્ચામાં આવી છે. સુષ્મિતા સેન છેલ્લા કેટલાક સમયથી રોહમન શૉલ સાથેના બ્રેકઅપને લઈને ચર્ચામાં હતી. રોહમન સાથેના બ્રેકઅપ બાદ હવે સુષ્મિતા લલિત કુમાર મોદીને ડેટ કરી રહી છે. લલિત મોદીએ પોતે માહિતી આપી છે કે તે અને સુષ્મિતા એકબીજાને ડેટ કરી રહ્યા છે.
પહેલા ‘બેટરહાફ’ ગણાવીને લોકોને અચરજમાં નાખ્યા
ખરેખર, લલિતે પોતાના ટ્વિટર એકાઉન્ટ પર બે ટ્વિટ કર્યા છે. પહેલા ટ્વીટમાં લલિતે સુષ્મિતાને ‘બેટર હાફ’ ગણાવતા એક સુંદર કેપ્શન લખ્યુ હતું, જેના પછી લોકો અનુમાન લગાવવા લાગ્યા કે બંનેએ લગ્ન કરી લીધા છે. પ્રથમ ટ્વીટમાં લલિતે લખ્યું હતું કે ‘પરિવાર સાથે માલદીવ, સારડિનિયા ટૂર પૂરી કરીને લંડન પાછા ફરો. મારી બેટર હાફ સુષ્મિતા સેન સાથે શરૂઆત નથી..છેવટે નવું જીવન. આજે હું ચંદ્ર પર છું. લલિતનું આ ટ્વીટ સોશિયલ મીડિયા પર આગની જેમ વાયરલ થયું અને લોકોએ માની લીધું કે બંનેએ લગ્ન કરી લીધા છે. જો કે આ ટ્વીટ બાદ લલિતે પોતાના ઓફિશિયલ ટ્વિટર પર અન્ય એક ટ્વિટમાં સ્પષ્ટતા કરી હતી કે તેણે લગ્ન કર્યા નથી, પરંતુ બંને એકબીજાને ડેટ કરી રહ્યાં છે.
