એક્ટ પાર્ટીનું કુલ ચૂંટણી ફંડ બમણું થઈને $1.2 મિલિયન પર પહોંચ્યું; નેશનલ અને લેબર જેવી મોટી પાર્ટીઓ પણ ફંડ મેળવવામાં પાછળ રહ્યા
ન્યુઝીલેન્ડમાં ચૂંટણી વર્ષના માહોલ વચ્ચે રાઈટ-વિંગ (જમણેરી) ગઠબંધન પક્ષ એક્ટ (ACT) પાર્ટીના ચૂંટણી ફંડમાં ભારે ઉછાળો જોવા મળ્યો છે. છેલ્લા માત્ર 20 દિવસમાં જ પક્ષને $6,00,000 નું નવું ભંડોળ મળ્યું છે, જેના કારણે આ વર્ષે અત્યાર સુધીમાં પાર્ટી દ્વારા એકત્ર કરાયેલું કુલ દાન બમણું થઈને $1.2 મિલિયન (અંદાજે 12 લાખ ડૉલર) એ પહોંચી ગયું છે.
દનના આ આંકડાઓ સાથે એક્ટ પાર્ટી પોતાના ગઠબંધન ભાગીદાર પક્ષો નેશનલ અને ન્યુઝીલેન્ડ ફર્સ્ટ કરતાં ઘણી આગળ નીકળી ગઈ છે, જ્યારે વિપક્ષી દળો આ રેસમાં ઘણા પાછળ જોવા મળી રહ્યા છે.
કઈ રાજકીય પાર્ટીને કેટલું ફંડ મળ્યું?
આ આંકડાઓમાં માત્ર $20,000 થી વધુ રકમના મોટા દાનનો જ સમાવેશ થાય છે, જે ચૂંટણી વર્ષના નિયમો મુજબ 20 દિવસની અંદર જાહેર કરવા ફરજિયાત હોય છે. $20,000 થી ઓછી રકમના નાના દાનની વિગતો વર્ષ 2027 માં સત્તાવાર રીતે જાહેર કરવામાં આવશે.
| રાજકીય પક્ષ (Political Party) | અત્યાર સુધી મળેલું કુલ દાન (Large Donations) | સ્થિતિ / વિગત |
| ACT (એક્ટ પાર્ટી) | $1,200,000 | સૌથી આગળ, 20 દિવસમાં ફંડ બમણું થયું. |
| National (નેશનલ પાર્ટી) | $728,071 | ગઠબંધનની મુખ્ય પાર્ટી હોવા છતાં બીજા ક્રમે. |
| New Zealand First | $500,000 | ગઠબંધન ભાગીદાર, ત્રીજા ક્રમે. |
| The Opportunity Party (TOP) | $240,500 | મુખ્ય વિપક્ષી પાર્ટીઓ કરતાં વધુ ફંડ મેળવવામાં સફળ. |
| Labour (લેબર પાર્ટી) | $182,333 | મુખ્ય વિપક્ષી પક્ષ, એક્ટ પાર્ટી કરતાં 7 ગણું ઓછું ફંડ. |
| Green Party (ગ્રીન પાર્ટી) | $93,015 | પાંચમા ક્રમે. |
| Te Pāti Māori (માઓરી પાર્ટી) | $40,000 | પાર્ટી પ્રમુખ જોન તામિહેરે તરફથી મળેલું સિંગલ દાન. |
ACT પાર્ટીને દાન આપનારા મુખ્ય ચહેરાઓ
પક્ષને આ નવું અને મોટું ભંડોળ પૂરું પાડવામાં ન્યુઝીલેન્ડના જાણીતા ઉદ્યોગપતિઓ અને જૂના સમર્થકોનો મોટો હાથ રહ્યો છે:
- ડેમ જેની ગિબ્સ (Dame Jenny Gibbs): એક્ટ પાર્ટીના સહ-સ્થાપકની પૂર્વ પત્ની અને લાંબા સમયના સમર્થક જેની ગિબ્સે આ વખતે $50,000 નું દાન આપ્યું છે. તેઓ અત્યાર સુધીમાં પક્ષને કુલ $9,00,000 થી વધુનું દાન આપી ચૂક્યા છે.
- ટ્રોય બોવકર (Troy Bowker): જાણીતા રોકાણકાર ટ્રોય બોવકરે એક્ટ પાર્ટીને $50,000 આપ્યા છે, આ સિવાય તેમણે ન્યુઝીલેન્ડ ફર્સ્ટ પાર્ટીને પણ આ વર્ષે $25,000 નું દાન આપ્યું છે.
- જ્હોન હેરિસન (John Harrison): આ વખતે સૌથી મોટું દાન જ્હોન હેરિસન તરફથી મળ્યું છે, જેઓ પહેલીવાર એક્ટ પાર્ટીના દાતા બન્યા છે.
- અન્ય નિયમિત દાતાઓમાં સર પીટર વેલા, ડેવિડ રિચવ્હાઇટ, ક્રેગ અને શેન ગ્રીનલીઝ, તેમજ ફ્રેન વાયબોર્ન અને ગેરી લેનનો સમાવેશ થાય છે. જોકે, અગાઉ $2,00,000 આપનાર રેન્ક ગ્રુપ અને ગ્રીમ હાર્ટ તરફથી આ વર્ષે હજી સુધી કોઈ દાન મળ્યું નથી.
દાન આપવાના સરકારી નિયમો: ન્યુઝીલેન્ડમાં કોઈ વ્યક્તિ કે સંસ્થા રાજકીય પક્ષોને કેટલી રકમ દાન આપી શકે તેની કોઈ મહત્તમ મર્યાદા (No limits) નથી. જોકે, અનામી (Anonymous) દાન માટે મહત્તમ મર્યાદા $1500 અને વિદેશી સ્ત્રોતો (Overseas) તરફથી મળતા દાન પર $50 નો કેપ (મર્યાદા) લાદવામાં આવ્યો છે.
