રાજકુમાર રાવ, હુમા કુરેશી અને રાધિકા આપ્ટે મુખ્ય ભૂમિકામાં
વર્ષ 2022 બોલિવૂડ માટે બહુ સારું રહ્યું નથી. વર્ષના 10 મહિના વીતી ગયા છે અને અત્યાર સુધી માત્ર કેટલીક પસંદગીની ફિલ્મો જ હિટનો ખિતાબ હાંસલ કરી શકી છે. જો કે, સારી ફિલ્મોની અછતને જોતા, ‘મોનિકા ઓ માય ડાર્લિંગ’ આ ટ્રેક બદલી શકે છે. થોડા સમય પહેલા જ આ ફિલ્મનું ટ્રેલર રિલીઝ કરવામાં આવ્યું છે, જે ચાહકોને ખૂબ જ પસંદ આવી રહ્યું છે.
રાજકુમાર રાવ આ દિવસોમાં પોતાની આગામી ફિલ્મ ‘મોનિકા ઓહ માય ડાર્લિંગ’ને લઈને ઘણા સમયથી ચર્ચામાં છે. તે હિન્દી સિનેમાનો એક મજબૂત અભિનેતા છે જેની ફેન ફોલોઈંગ જબરદસ્ત છે. તે પોતાની આગામી ફિલ્મ સાથે જોડાયેલી દરેક માહિતી સોશિયલ મીડિયા દ્વારા ફેન્સ સાથે શેર કરી રહ્યો છે અને હવે તેની ફિલ્મનું ટ્રેલર પણ રિલીઝ કરવામાં આવ્યું છે.
કેવું છે ફિલ્મનું ટ્રેલર?
30 ઓક્ટોબરે રિલીઝ થયેલા ટ્રેલરમાં જોઈ શકાય છે કે રાજકુમાર રાવ હુમા કુરેશીની જાળમાં ફસાઈ ગયો છે અને અભિનેત્રી હુમા કુરેશી તેને બ્લેકમેલ કરી રહી છે. ત્યારે સિકંદર ખેર તેમને આ મુશ્કેલીઓમાંથી બહાર આવવા માટે હત્યા કરવાની સલાહ આપે છે. તે જ સમયે, રાધિકા આપ્ટે પોલીસ અધિકારીની ભૂમિકામાં અલગ અંદાજમાં કેસ ઉકેલતી જોવા મળી હતી. ટ્રેલરમાં અભિનેતા શબનો નિકાલ કરતો પણ જોઈ શકાય છે. ફિલ્મની વાર્તામાં લોહીલુહાણની સાથે કોમેડી પણ જોવા મળે છે.
