પીએમ નરેન્દ્ર મોદીના ભવ્ય સમુદાય સ્વાગત માટે રજિસ્ટ્રેશન પ્રક્રિયા શરૂ, ભારતના વડાપ્રધાન નરેન્દ્ર મોદીના સન્માનમાં મેલબોર્ન ખાતે એક ભવ્ય કોમ્યુનિટી રિસેપ્શન (સમુદાય સ્વાગત કાર્યક્રમ) નું આયોજન

ઓસ્ટ્રેલિયાના મેલબોર્નમાં વસતા ભારતીય સમુદાય (Indian Diaspora) માટે એક ઉત્સાહભર્યા સમાચાર સામે આવ્યા છે. ભારતના વડાપ્રધાન નરેન્દ્ર મોદીના સન્માનમાં મેલબોર્ન ખાતે એક ભવ્ય કોમ્યુનિટી રિસેપ્શન (સમુદાય સ્વાગત કાર્યક્રમ) નું આયોજન કરવામાં આવ્યું છે. ‘મેલબોર્ન મીટ્સ મોદી’ ના નારા સાથે યોજાનારા આ કાર્યક્રમ માટે સામાન્ય જનતા માટેની વ્યક્તિગત રજિસ્ટ્રેશન પ્રક્રિયા (Individual Registrations) હવે સત્તાવાર રીતે ખુલ્લી મૂકી દેવામાં આવી છે.

To register, please visit: https://melbournemeetsmodi.au/register

આ કાર્યક્રમનો મુખ્ય ઉદ્દેશ્ય ભારત અને ઓસ્ટ્રેલિયા વચ્ચેના દ્વિપક્ષીય સંબંધોને વધુ મજબૂત બનાવવાનો અને દ્રષ્ટિકોણ (Vision), ભાગીદારી (Partnership) અને પ્રગતિ (Progress) ના મંત્રને આગળ ધપાવવાનો છે.

પીએમ મોદીના કાર્યક્રમની મુખ્ય વિગતો અને તારીખો

સત્તાવાર કાર્યક્રમના સોશિયલ મીડિયા પોસ્ટરમાં આપવામાં આવેલી સત્તાવાર માહિતી અનુસાર, કાર્યક્રમનું આયોજન નીચે મુજબના સમયપત્રક અનુસાર કરવામાં આવ્યું છે:

  • સ્થાન (Venue): મેલબોર્ન, ઓસ્ટ્રેલિયા (Melbourne, Australia).
  • તારીખ: આ ભવ્ય સ્વાગત કાર્યક્રમ 9 જુલાઈ અથવા 10 જુલાઈ 2026 ના રોજ યોજાશે.
  • રજિસ્ટ્રેશન સ્ટેટસ: તમામ લોકો માટે વ્યક્તિગત રજિસ્ટ્રેશન હવે ઓપન (ખુલ્લું) થઈ ગયું છે.

સોશિયલ મીડિયા પરથી મેળવો વધુ અપડેટ્સ

આ કાર્યક્રમ અંગેની ક્ષણે-ક્ષણની માહિતી અને રજિસ્ટ્રેશન માટેની લિંક્સ સોશિયલ મીડિયા પ્લેટફોર્મ્સ પર પણ ઉપલબ્ધ કરાવવામાં આવી છે.

ઑફિશિયલ સોશિયલ મીડિયા એકાઉન્ટ: /melbournemeetsmodi
https://x.com/MelbMeetsModi

ઓસ્ટ્રેલિયામાં પીએમ મોદીના અગાઉના પ્રવાસોની જેમ જ આ વખતે પણ મેલબોર્નમાં રહેતા હજારો ભારતીયો પોતાના લોકપ્રિય નેતાની એક ઝલક મેળવવા અને તેમનું સંબોધન સાંભળવા માટે ભારે ઉત્સાહિત દેખાઈ રહ્યા છે, જેના કારણે આ તમામ સીટો ખૂબ જ ઝડપથી ભરાઈ જવાની સંભાવના છે.

ન્યૂઝીલેન્ડ અને ઇન્ડોનેશિયાના પ્રવાસની પણ સંભાવના

રાજદ્વારી સૂત્રો અને તાજેતરના અહેવાલો અનુસાર, પીએમ નરેન્દ્ર મોદી જુલાઈ મહિનામાં તેમના ઓસ્ટ્રેલિયા પ્રવાસની સાથે સાથે ન્યૂઝીલેન્ડ અને ઇન્ડોનેશિયા ની મુલાકાત લે તેવી પણ પ્રબળ શક્યતા છે. જોકે તે અંગેની સત્તાવાર જાહેરાત કરવામાં આવી નથી.