ન્યુઝીલેન્ડમાં વધતી જતી મોંઘવારી અને આર્થિક મંદીને કારણે કંપનીઓ નવી ભરતીઓ કરવામાં ખચકાઈ, ઓસ્ટ્રેલિયામાં ઊંચા પગાર ધોરણો અને રોજગારીની વધુ વિપુલ તકો ન્યુઝીલેન્ડના યુવાનોને આકર્ષ્યા
નમસ્કાર ગુજરાત ન્યૂઝ. ઓકલેન્ડ: ન્યુઝીલેન્ડના જોબ માર્કેટમાં આવેલી ભારે મંદીને કારણે દેશના યુવાનો હવે સારી તકો અને ઊંચા પગારની શોધમાં ઓસ્ટ્રેલિયા જઈ રહ્યા છે. ન્યુઝીલેન્ડમાં બેરોજગારીનો દર છેલ્લા 10 વર્ષમાં સૌથી વધુ નોંધાયો છે, જેના કારણે યુવાનોમાં ભારે હતાશા જોવા મળી રહી છે.
આંકડાકીય વિગતો: 48000 લોકોએ દેશ છોડ્યો Stats NZ દ્વારા જાહેર કરવામાં આવેલા તાજેતરના આંકડા મુજબ, આશરે 48,000 ન્યુઝીલેન્ડના નાગરિકોએ ઓસ્ટ્રેલિયા તરફ સ્થળાંતર કર્યું છે. આ આંકડો અત્યાર સુધીનો સૌથી મોટો માનવામાં આવે છે. ઓસ્ટ્રેલિયામાં ઊંચા પગાર ધોરણો અને રોજગારીની વધુ વિપુલ તકો ન્યુઝીલેન્ડના યુવાનોને આકર્ષી રહી છે.
નિષ્ણાતોનું મંતવ્ય અર્થશાસ્ત્રીઓનું માનવું છે કે ન્યુઝીલેન્ડમાં વધતી જતી મોંઘવારી અને આર્થિક મંદીને કારણે કંપનીઓ નવી ભરતીઓ કરવામાં ખચકાઈ રહી છે. બીજી તરફ, ઓસ્ટ્રેલિયાની માળખાગત સુવિધાઓ અને મોટા ઉદ્યોગો સતત નવા કર્મચારીઓની માંગ કરી રહ્યા છે, જે કીવી યુવાનો માટે વરદાન સાબિત થઈ રહ્યા છે.
