શું ટ્રમ્પ ડફોળ છે ? સરકારી સહાય લેવાના લિસ્ટમાં પાકિસ્તાન-ચીન સામેલ, ભારતીયો સૌથી સફળ

ભારતીય અમેરિકનો સૌથી ઓછી સરકારી સહાય લેતા અને સૌથી વધુ કમાણી કરતા સમુદાય તરીકે ઉભર્યા; પેસિફિક રાષ્ટ્રો યાદીમાં મોખરે

વોશિંગ્ટન: અમેરિકી રાષ્ટ્રપતિ ડોનાલ્ડ ટ્રમ્પે તેમના સોશિયલ મીડિયા પ્લેટફોર્મ ‘Truth Social’ પર એક ચાર્ટ શેર કર્યો છે, જે અમેરિકામાં વસતા વિવિધ દેશોના ઈમિગ્રન્ટ પરિવારો દ્વારા લેવામાં આવતી સરકારી સહાયના દર દર્શાવે છે. ‘Immigrant welfare recipient rates by country of origin’ શીર્ષક હેઠળના આ ચાર્ટમાં 120 દેશોની યાદી છે, જેમાં ભૂટાન 80% થી વધુ દર સાથે ટોચ પર છે. આ યાદીમાં બાંગ્લાદેશ, પાકિસ્તાન, નેપાળ અને ચીન જેવા દેશોનો સમાવેશ થાય છે, પરંતુ ભારતની બાદબાકી નજરે પડે છે.

ભારતીય સમુદાય: અમેરિકી અર્થતંત્રમાં ‘નેટ કોન્ટ્રીબ્યુટર’ ભારતનું નામ આ યાદીમાં ન હોવું એ ભારતીય ડાયસ્પોરાની આર્થિક સફળતાનું પ્રમાણ માનવામાં આવે છે. પ્યુ રિસર્ચ સેન્ટર (Pew Research Centre) ના આંકડા મુજબ, ભારતીય અમેરિકનો અમેરિકામાં સૌથી વધુ કમાણી કરતા વંશીય જૂથોમાં સામેલ છે. વર્ષ 2023 માં, ભારતીય મૂળના પરિવારોની સરેરાશ વાર્ષિક આવક આશરે US$151,200 (અંદાજે 1.25 કરોડ રૂપિયા) હતી, જે અમેરિકાની સરેરાશ આવક કરતા ઘણી વધારે છે. આ ઉચ્ચ આવક અને નીચા ગરીબી દરને કારણે ભારતીય પરિવારોને સરકારી સહાયની જરૂરિયાત નહિવત રહે છે.

પેસિફિક રાષ્ટ્રો અને પડોશી દેશોની સ્થિતિ ટ્રમ્પના ચાર્ટમાં પેસિફિક ટાપુ રાષ્ટ્રો જેવા કે માર્શલ આઈલેન્ડ્સ, સમોઆ, માઈક્રોનેશિયા અને ટોંગાના ઈમિગ્રન્ટ્સમાં વેલ્ફેરનો ઉપયોગ વધુ હોવાનું દર્શાવવામાં આવ્યું છે. પડોશી દેશોમાં પાકિસ્તાન, બાંગ્લાદેશ અને નેપાળના પરિવારો પણ ઉચ્ચ સહાય લેનારા જૂથોમાં દેખાય છે. નિષ્ણાતોના મતે, શિક્ષણનું સ્તર, રોજગારના પ્રકાર અને માથાદીઠ આવક જેવા પરિબળો આ તફાવત માટે જવાબદાર છે.

ડેટા અને આર્થિક વિશ્લેષણ ભારતીય વન સેવા (IFS) ના અધિકારી પ્રવીણ કસવાને પણ ઓનલાઇન ડેટા શેર કરતા જણાવ્યું હતું કે, ભારતીય ઈમિગ્રન્ટ્સ અમેરિકી અર્થતંત્રમાં ‘નેટ કોન્ટ્રીબ્યુટર’ છે. તેઓ સરકારી સહાય લેવાને બદલે ટેક્સ દ્વારા અર્થતંત્રમાં મોટું યોગદાન આપી રહ્યા છે. જોકે ટ્રમ્પના ચાર્ટમાં સત્તાવાર સ્ત્રોતનો ઉલ્લેખ નથી, પરંતુ તે ઈમિગ્રેશન અને વેલ્ફેરના મુદ્દા પર અમેરિકામાં ચાલી રહેલી રાજકીય ચર્ચાને વધુ વેગ આપી રહ્યો છે.