90,000 થી વધુ ઘરો વીજળી વગર; કેન્ટરબરીમાં કટોકટીની સ્થિતિ, કેન્ટરબરી હાઇ કન્ટ્રી (150 કિમી/કલાક), ક્રાઇસ્ટચર્ચ અને કેન્ટરબરી પ્લેઇન્સ (140 કિમી/કલાક), વેલિંગ્ટન અને વાયરરાપાના દક્ષિણ ભાગો (140 કિમી/કલાક), સાઉથલેન્ડ અને ક્લુથામાં રેડ વોર્નિંગ અમલમાં

New Zealand Weather : ન્યૂઝીલેન્ડના મોટા ભાગના વિસ્તારોમાં આજે (ગુરુવાર) ગંભીર હવામાનનો સામનો કરવો પડી રહ્યો છે. મેટસર્વિસે દક્ષિણ આઇલેન્ડના પૂર્વીય પ્રદેશો અને ઉત્તર આઇલેન્ડના દક્ષિણી ભાગો માટે 150 કિમી/કલાક સુધીના સંભવિત જીવલેણ પવનની આગાહી સાથે રેડ સ્ટ્રોંગ વિન્ડ વોર્નિંગ (Red Strong Wind Warning) જાહેર કરી છે.

મુખ્ય અસરો:

  • વીજળી ગુલ: દક્ષિણ આઇલેન્ડના ટોચના વિસ્તારોમાં 25,000 થી વધુ ઘરોમાં વીજળી નથી. વેલિંગ્ટન પ્રદેશમાં 1000 થી વધુ ઘરો અંધારામાં છે. વીજળી ગુલ થવાથી નેલ્સન હોસ્પિટલમાં એક કલાક માટે પાવર નહોતો. ડ્યુનેડિન અને મોસ્ગિયલના હજારો ઘરોમાં પણ વીજળી ખોરવાઈ છે.
  • ટ્રાન્સપોર્ટ પર અસર: દેશભરમાં 100 થી વધુ ફ્લાઇટ્સ રદ કરવામાં આવી છે. વેલિંગ્ટન અને ક્રાઇસ્ટચર્ચ એરપોર્ટ પર વિમાનોને ગ્રાઉન્ડ કરી દેવાયા છે. વેસ્ટ કોસ્ટ તરફ જતો છેલ્લો ખુલ્લો હાઇવે પણ પાણી ભરાઈ જવાના કારણે બંધ થયો છે.
  • કટોકટીની સ્થિતિ: પ્રબળ પવનની આગાહીને ધ્યાનમાં રાખીને કેન્ટરબરી માટે ગઈકાલે સ્થાનિક કટોકટીની સ્થિતિ (Local State of Emergency) જાહેર કરવામાં આવી હતી.

હવામાનની ચેતવણીઓ (Warnings):

  • રેડ સ્ટ્રોંગ વિન્ડ વોર્નિંગ: કેન્ટરબરી હાઇ કન્ટ્રી (150 કિમી/કલાક), ક્રાઇસ્ટચર્ચ અને કેન્ટરબરી પ્લેઇન્સ (140 કિમી/કલાક), વેલિંગ્ટન અને વાયરરાપાના દક્ષિણ ભાગો (140 કિમી/કલાક), સાઉથલેન્ડ અને ક્લુથામાં રેડ વોર્નિંગ અમલમાં છે. રેડ વોર્નિંગનો અર્થ છે કે ઉડતા કાટમાળ અને પડતા વૃક્ષોથી જાનહાનિનો ખતરો છે.
  • ભારે વરસાદ: સાઉથ આઇલેન્ડના કેટલાક ભાગોમાં 150 મીમી સુધી વધુ વરસાદ પડવાની સંભાવના છે.

આગ અને ઇમરજન્સી:

  • જંગલની આગ (Wildfires): હાનમર સ્પ્રિંગ્સમાં મોટી આગ ફાટી નીકળી છે, જેના કારણે કેટલાક ઘરો ખાલી કરાવવા પડ્યા છે.
  • કૈકોરામાં વિનાશ: કૈકોરામાં એક ચેરિટીનું મકાન, ચર્ચ અને અન્ય ઇમારતો આગમાં બળીને ખાખ થઈ ગઈ છે, જે 150 કિમી/કલાકની ઝડપે ફૂંકાતા પવનમાં મિનિટોમાં ફેલાઈ ગઈ હતી.
  • અગ્નિશમન વિભાગની કાર્યવાહી: ફાયર એન્ડ ઇમરજન્સીએ સવારે 7.40 વાગ્યાથી બપોરે 1 વાગ્યાની વચ્ચે દેશભરમાં હવામાન સંબંધિત 264 કોલઆઉટ નો જવાબ આપ્યો, જેમાં છત ઉડી જવી અને વૃક્ષો પડી જવાના બનાવો મુખ્ય હતા.
  • ફાયર પ્રતિબંધ: કેન્ટરબરી, માર્લબરો, વેલિંગ્ટન અને હોક’સ બેમાં આગ અને ફટાકડા પર સંપૂર્ણ પ્રતિબંધ મૂકવામાં આવ્યો છે. તેમ છતાં કેટલાક લોકોએ રાતોરાત આગ લગાડતા તંત્રએ ચિંતા વ્યક્ત કરી છે.

અન્ય અસરો:

  • શિક્ષણ: યુનિવર્સિટી ઓફ ઓટાગો (University of Otago) ની ડ્યુનેડિન કેમ્પસની બપોરની પરીક્ષાઓ સ્થગિત કરવામાં આવી છે.
  • હડતાલ રદ્દ: ન્યૂઝીલેન્ડ એજ્યુકેશનલ ઇન્સ્ટિટ્યૂટના સભ્યો દ્વારા વેલિંગ્ટન, વાયરરાપા અને કેન્ટરબરીમાં યોજાનારી હડતાળ રેલીઓ ખરાબ હવામાનને કારણે રદ કરવામાં આવી છે.

સલામતી સલાહ:

ઇમરજન્સી મેનેજમેન્ટ સાઉથલેન્ડ અને IFSO સ્કીમ (ઇન્સ્યોરન્સ ઓમ્બડ્સમેન) એ લોકોને સલામતીને પ્રાથમિકતા આપવા, બિનજરૂરી મુસાફરી ટાળવા, ઘરની અંદર સુરક્ષિત રહેવા અને નુકસાનના ફોટા/વિડિયો લઈને વહેલી તકે વીમા કંપનીનો સંપર્ક કરવા વિનંતી કરી છે. વાઇનુઇઓમાતા હિલ રોડ (Wainuiomata Hill Road) સાંજે 2.30 વાગ્યે ફરીથી ખોલવામાં આવશે, પરંતુ લોકોને સાવધાની રાખવા જણાવાયું છે.