ઓકલેન્ડ સીબીડીની સુરક્ષા અંગે NZ Heraldના ચોંકાવનારા આંકડા આવ્યો સામે, સર્વેક્ષણમાં 91% વેપારીઓ અસામાજિક વર્તનથી પ્રભાવિત; 77% વધુ પોલીસ પેટ્રોલિંગની માંગ
ઓકલેન્ડ: ઓકલેન્ડના મધ્યવર્તી શહેર વિસ્તાર (CBD) માં સલામતી અને વ્યવસ્થાની સ્થિતિ ચિંતાજનક સ્તરે પહોંચી ગઈ છે. તાજેતરમાં હાથ ધરાયેલા એક અનૌપચારિક સર્વેક્ષણમાં આ મુદ્દો સ્પષ્ટ થયો છે, જેમાં 6,100 થી વધુ લોકોએ પોતાનો અભિપ્રાય આપ્યો હતો.
આ મતદાનમાં ભાગ લેનારા લોકોમાંથી 97 ટકા લોકોએ એવો મત વ્યક્ત કર્યો કે CBD અસામાજિક વર્તન અને અવગણનાથી ઘેરાયેલું છે, જેના કારણે તે જાહેર જનતા માટે એક અણગમતું સ્થળ બની ગયું છે.
વેપારી સમુદાય પર ગંભીર અસર: CBDમાં કાર્યરત વેપારીઓના સંગઠન દ્વારા કરવામાં આવેલા એક અન્ય સર્વેક્ષણમાં પણ આ ભયાવહ ચિત્રની પુષ્ટિ થઈ છે. 102 વેપારી માલિકોના આ સર્વેમાં મુખ્ય આંકડાઓ નીચે મુજબ છે:
- 91% વેપારીઓએ સ્વીકાર્યું કે શેરીઓમાં ભીખ માંગતા અને બેઘર લોકોની હાજરી તેમના વ્યવસાયને અસર કરી રહી છે.
- 81% વેપારીઓ માને છે કે શહેરનું કેન્દ્ર હવે નોંધપાત્ર રોકાણ અથવા વધુ લોકોને આકર્ષિત કરવા માટે સારી સ્થિતિમાં નથી.
- 72% ઉત્તરદાતાઓએ અભિપ્રાય આપ્યો કે પોલીસ અને સિટી કાઉન્સિલ દ્વારા વર્તમાન કાયદાઓ અને પેટા-નિયમોનું પૂરતું અમલ કરવામાં આવી રહ્યું નથી.
સલામતી અને કાયદા અમલની માંગ: આ અહેવાલો સૂચવે છે કે CBDમાં કામ કરતા કર્મચારીઓ અને મુલાકાતીઓ નિયમિતપણે અસામાજિક વર્તણૂક, જાહેર અશિષ્ટતા અને હિંસાની ઘટનાઓથી ભયભીત અનુભવે છે. અસુરક્ષાને કારણે પરિવારોએ CBDમાં જમવા કે મુલાકાત લેવાનું ટાળ્યું છે, જેનાથી વેપારને સીધું નુકસાન થયું છે.
વ્યવસાયિક સમુદાયમાં પણ સ્પષ્ટ માંગ છે કે સુરક્ષામાં સુધારો લાવવામાં આવે. સર્વેક્ષણમાં 77% સભ્યોએ આગામી વર્ષોમાં સિટી રેલ લિંક (CRL) જેવી મોટી માળખાગત યોજનાઓ ખુલે તે પહેલાં શહેરના કેન્દ્રમાં પોલીસની હાજરી વધારવાની જરૂરિયાત પર ભાર મૂક્યો છે.
નિષ્ણાતો અને સામાજિક સંસ્થાઓ સહમત છે કે આ મુદ્દાને ઉકેલવા માટે સરકારી સ્તરે તાત્કાલિક નેતૃત્વ અને નક્કર નીતિગત ફેરફારો આવશ્યક છે.
નોંધ : આ સર્વેક્ષણ NZ Heraldના રીડર્સ દ્વારા કરવામાં આવ્યો છે. અમારો આશય માત્ર આપ સુધી સર્વેક્ષણની માહિતી આપવાનો જ છે.
