પિટ્સબર્ગમાં બર્ડ ફ્લૂ પર સંશોધન કરી રહેલા વૈજ્ઞાનિક ડૉ. સુરેશ કુચીપુડીએ ચેતવણી આપી છે કે કોરોના કરતા પણ વધુ ખતરનાક H5N1 વાયરસ માનવ સહિત મોટી સંખ્યામાં સસ્તન પ્રાણીઓને સંક્રમિત કરી શકે છે.
ડો. સુરેશ કુચીપુડીએ દાવો કર્યો હતો કે વાયરસ તે દિશામાં આગળ વધી રહ્યો છે.
તેમણે કહ્યું કે બર્ડ ફ્લૂનો ચેપ હજુ પણ વિશ્વમાં ઘણી જગ્યાએ છે અને મોટી સંખ્યામાં સસ્તન પ્રાણીઓ સંક્રમિત થઈ રહ્યા છે.
હવે સમય આવી ગયો છે કે આપણે તેની સામે તૈયારી કરવી જોઈએ નહીંતર સ્થિતિ ગંભીર બની શકે છે.
નિષ્ણાતોએ આશંકા વ્યક્ત કરી છે કે બર્ડ ફ્લૂનો ચેપ ઝડપથી રોગચાળાનું સ્વરૂપ લઈ શકે છે અને તેના ઉચ્ચ મૃત્યુદરને જોતા તે કોરોના મહામારી કરતા સો ગણો વધુ ખતરનાક સાબિત થઈ શકે છે. મીડિયા રિપોર્ટ્સમાં આ જાણકારી આપવામાં આવી છે. રિપોર્ટમાં વૈજ્ઞાનિકોએ દાવો કર્યો છે કે H5N1 વાયરસ ગંભીર સ્થિતિ તરફ આગળ વધી રહ્યો છે અને તે વૈશ્વિક મહામારીનું કારણ બની શકે તેવો ભય છે.
મીડિયા રિપોર્ટ્સમાં અન્ય એક નિષ્ણાતને ટાંકીને કહેવામાં આવ્યું છે કે બર્ડ ફ્લૂનો ચેપ કોરોના મહામારી કરતા પણ વધુ ખતરનાક સાબિત થઈ શકે છે. તેમણે દાવો કર્યો હતો કે બર્ડ ફ્લૂનો રોગચાળો કોરોના મહામારી કરતાં 100 ગણો વધુ ખતરનાક સાબિત થઈ શકે છે. બર્ડ ફ્લૂ રોગચાળામાં મૃત્યુદર કોરોના કરતા ઘણો વધારે હશે અને જો તે મનુષ્યોમાં પરિવર્તન કરવાનું શરૂ કરે છે, તો તે વધુ ગંભીર બનવાનું જોખમ છે.
વિશ્વ આરોગ્ય સંસ્થાના આંકડા ડરામણા છે
વર્લ્ડ હેલ્થ ઓર્ગેનાઈઝેશનના ડેટા અનુસાર, 2003 થી H5N1 વાયરસથી સંક્રમિત દર 100 દર્દીઓમાંથી 52 મૃત્યુ પામ્યા છે. આમ, H5N1નો મૃત્યુદર 50 ટકાથી વધુ છે.
જો આપણે તેની તુલના કોરોના વાયરસ સાથે કરીએ તો, રોગચાળાની શરૂઆતમાં તેનો મૃત્યુદર કેટલાક સ્થળોએ 20 ટકા હતો, જે પાછળથી ઘટીને માત્ર 0.1 ટકા થઈ ગયો.
બર્ડ ફ્લૂના અત્યાર સુધીમાં માત્ર 887 કેસ નોંધાયા છે જેમાંથી 462ના મોત થયા છે.
