ટીવી ઇન્ડસ્ટ્રીના જાણીતા અભિનેતા એવા અનુપમા ફેમ ઋતુરાજ સિંહનું 59 વર્ષની ઉંમરે હાર્ટ એટેકથી નિધન થઈ ગયું છે.
મુંબઈના લોખંડવાલા સ્થિત તેઓને તેમના ઘરે તેઓને હાર્ટ એટેક આવ્યો હતો, તેઓના આકસ્મિક નિધનથી ચાહકો અને ટીવી ઈન્ડસ્ટ્રીમાં શોકની લાગણી ફેલાઈ ગઈ છે.
સોશિયલ મીડિયા પર ઘણા ચાહકો અશ્રુભીની આંખો સાથે અભિનેતાને શ્રદ્ધાંજલિ આપી રહ્યા છે, તો સાથે જ ઘણા સેલેબ્સ પણ અભિનેતાના નિધન પર શોક વ્યક્ત કરી રહ્યા છે.
તેઓએ રિયાલિટી ગેમ શો ‘તોલ મોલ કે બોલ’ને હોસ્ટ કરીને પોતાની અલગ ઓળખ ઉભી કરી હતી અને ઘણી ટીવી સીરિયલ્સ, ફિલ્મો અને OTT શોમાં પણ કામ કર્યું હતું. તેઓનો ટીવી શો ‘બનેગી અપની બાત’ લોકપ્રિય રહ્યો હતો. તેમણે ‘હિટલર દીદી’, ‘જ્યોતિ’, ‘શપથ’, ‘અદાલત’, ‘આહટ’, ‘દિયા ઔર બાતી’, વોરિયર હાઈ’, ‘લાડો 2’ જેવી સિરિયલોમાં કામ કર્યું હતું.
મહત્વનું છે કે ઋતુરાજ સિંહ હાલમાં ટીવી શો અનુપમામાં કામ કર્યુ હતું જે ખુબજ લોકપ્રિય શો રહ્યો હતો.
