વેસ્ટ ઈન્ડિઝની ક્રિકેટ ટીમે ટેસ્ટ શ્રેણીમાં ઓસ્ટ્રેલિયાની ટીમને તેના જ ઘરઆંગણે હરાવીને ઈતિહાસ રચ્યો હતો. વેસ્ટ ઈન્ડિઝની ટીમ ઓસ્ટ્રેલિયામાં ટેસ્ટ મેચ જીત્યાને 27 વર્ષ થઈ ગયા. આ મેચ દરમિયાન કોમેન્ટ્રી કરી રહેલા મહાન બેટ્સમેન બ્રાયન લારા પોતાની ટીમની જીત પર ખુશી વ્યક્ત કરતા ભાવુક થઈ ગયા હતા. તેણે કહ્યું હતું કે આ એક એવી ક્ષણ છે જ્યારે ઓછી અનુભવી યુવા ટીમે વર્લ્ડ ચેમ્પિયનને હરાવ્યું છે.
લોકો આ જીતને લાંબા સમય સુધી યાદ રાખશે.
27 વર્ષનો લાંબો સમય લાગ્યો જ્યારે અમે ઓસ્ટ્રેલિયાને ઓસ્ટ્રેલિયામાં જ હરાવવામાં સફળ થયા છે.
બ્રિસ્બેન ટેસ્ટ મેચના ચોથા દિવસે 216 રનના લક્ષ્ય સામે યજમાન ઓસ્ટ્રેલિયાની આખી ટીમ બીજા દાવમાં માત્ર 207 રન જ બનાવી શકી હતી.
શમર જોસેફે કાંગારૂ ટીમ સામે 7 વિકેટ લઈને વેસ્ટ ઈન્ડિઝની જીતની બાજી પલટી નાખી હતી.
આ ઐતિહાસિક જીત બાદ કોમેન્ટ્રી કરી રહેલા મહાન બેટ્સમેન બ્રાયન લારા રડી પડ્યા હતા.
વેસ્ટ ઈન્ડિઝની ટીમે ઓસ્ટ્રેલિયા સામે પિંક બોલ ટેસ્ટ મેચમાં ઐતિહાસિક પ્રદર્શન કર્યું હતું. બ્રિસબેન ટેસ્ટ મેચના ચોથા દિવસે કાંગારૂ ટીમે માત્ર 207 રન બનાવીને મેચ જીતી લીધી હતી. પ્રથમ દાવમાં વેસ્ટ ઈન્ડિઝની ટીમે ખરાબ શરૂઆત બાદ 311 રન બનાવ્યા હતા. જવાબમાં ઓસ્ટ્રેલિયાની ટીમે 289 રનમાં 9 વિકેટ ગુમાવીને દાવ ડિકલેર કર્યો હતો.
બીજા દાવમાં વેસ્ટ ઈન્ડિઝની આખી ટીમ માત્ર 193 રન જ બનાવી શકી અને યજમાન ટીમને 216 રનનો લક્ષ્યાંક આપ્યો. ટીમને આ હાંસલ કરવા માટે સખત પરસેવો પાડવો પડ્યો હતો. શમર જોસેફે 7 વિકેટ લઈને ઓસ્ટ્રેલિયાની હાર પર મહોર મારી હતી અને શ્રેણી 1-1થી બરાબર થઈ ગઈ હતી.
