વેલ્યુએબલ અને ઇમર્જિંગ પ્લેયરને પણ મળશે ઢગલો રૂપિયા
IPLની લોકપ્રિયતા ઝડપથી વધી રહી છે. વર્ષ 2008માં શરૂ થયેલી આ લીગના દર્શકોની સંખ્યામાં ઝડપથી વધારો થયો છે. ઈનામોની બાબતમાં પણ આ લીગે ઝડપથી સૌનું ધ્યાન ખેંચ્યું છે. આ લીગની દરેક સિઝનમાં, ફ્રેન્ચાઇઝી તગડી રકમની બોલી લગાવીને ભારત અને વિદેશના ખેલાડીઓને ખરીદે છે. તે જ સમયે, સિઝનના અંત સુધી, વિજેતા ટીમથી લઈને લીગ તબક્કામાં બહાર થનારી ટીમને, તેમને ઇનામ તરીકે કરોડો રૂપિયા મળે છે.
આ લીગની પ્રથમ બે સીઝનમાં વિજેતા ટીમને 4.8 કરોડ રૂપિયા ઈનામ તરીકે આપવામાં આવ્યા હતા, જ્યારે ઉપવિજેતા ટીમને 2.4 કરોડ રૂપિયા મળ્યા હતા. ગત સિઝનમાં વિજેતા ટીમ ગુજરાત ટાઇટન્સને 20 કરોડ રૂપિયા મળ્યા હતા. તે જ સમયે, રાજસ્થાન રોયલ્સને ઈનામ તરીકે 13 કરોડ રૂપિયા આપવામાં આવ્યા હતા.
IPL 2023માં વિજેતા ટીમ પર કરોડોનો વરસાદ થશે
મીડિયા રિપોર્ટ્સ અનુસાર, IPL 2023માં કુલ 46.5 કરોડ રૂપિયા ઈનામી રકમ તરીકે આપવામાં આવશે. ઓરેન્જ કેપ અને પર્પલ કેપ વિજેતાઓને 15 લાખ રૂપિયા અને ટુર્નામેન્ટના ઉભરતા ખેલાડીને 20 લાખ રૂપિયા મળશે. આ સિઝનના મોસ્ટ વેલ્યુએબલ પ્લેયરને ઈનામ તરીકે 12 લાખ રૂપિયા આપવામાં આવશે.
ફાઇનલ CSK અને GT વચ્ચે રમાશે
IPL 2023 ની ફાઇનલ મેચ 29 મે, સોમવારે અમદાવાદના નરેન્દ્ર મોદી સ્ટેડિયમમાં ચેન્નાઇ સુપર કિંગ્સ અને ગુજરાત ટાઇટન્સ વચ્ચે રમાશે. ફાઇનલમાં પહોંચતા પહેલા, CSKએ ક્વોલિફાયર-1 મેચમાં જીટીને 15 રનથી હરાવ્યું હતું. ક્વોલિફાયર-2 મેચમાં જીટીએ મુંબઈ ઈન્ડિયન્સને 62 રનથી હરાવ્યું અને ફાઇનલમાં પહોંચવામાં સફળ રહી. ચેન્નાઈ અને ગુજરાત વચ્ચે અત્યાર સુધીમાં ચાર મેચ રમાઈ છે જેમાં ચેન્નાઈએ એકમાં જીત મેળવી છે અને બાકીની ત્રણ મેચ ગુજરાતે જીતી છે.
