$20 મિલિયન ($16 મિલિયન) નું ‘ઉચ્ચ-મૂલ્યનું કન્ટેનર’ પ્લેનમાંથી અનલોડ કર્યા પછી હોલ્ડિંગ કાર્ગો ફેસિલિટીમાંથી ચોરાઈ ગયું
ટોરોન્ટો. કેનેડાના ટોરોન્ટો પીયર્સન ઈન્ટરનેશનલ એરપોર્ટ પર પ્લેનમાંથી સોનું અને અન્ય ઉચ્ચ કિંમતની વસ્તુઓની ચોરી થઈ હતી. સ્થાનિક મીડિયાના અહેવાલમાં આ માહિતી આપવામાં આવી છે. આ ચોરી સોમવારે ત્યારે થઈ જ્યારે C$20 મિલિયન ($16 મિલિયન) નું ‘ઉચ્ચ-મૂલ્યનું કન્ટેનર’ પ્લેનમાંથી અનલોડ કર્યા પછી હોલ્ડિંગ કાર્ગો ફેસિલિટીમાંથી ચોરાઈ ગયું હતું.
હોલ્ડિંગ ફેસિલિટી પર સુરક્ષિત થયા પછી, કાર્ગોને ‘ગેરકાયદેસર રીતે’ દૂર કરવામાં આવ્યું હતું. પોલીસે જણાવ્યું હતું કે ચોરી વ્યવસાયિક રીતે કરવામાં આવી હતી કે કેમ તે જાણવું ખૂબ જ વહેલું છે. પોલીસે એમ પણ કહ્યું કે તેઓ જાણતા નથી કે સોનું ક્યાં છે અથવા તે હજી પણ દેશમાં છે કે નહીં. હાલ પોલીસ તપાસ ચાલુ છે અને કોઈ ધરપકડ કરવામાં આવી નથી અને પોલીસે કોઈ શંકાસ્પદ માહિતી જાહેર કરી નથી.
ગ્રેટર ટોરોન્ટો એરપોર્ટ ઓથોરિટીએ સીટીવી ન્યૂઝને પુષ્ટિ આપી છે કે ચોરોએ વેરહાઉસના જાહેર ભાગમાં પ્રવેશ કર્યો હતો જે એરપોર્ટની પ્રાથમિક સુરક્ષા લાઇનની બહાર તૃતીય પક્ષને ભાડે આપવામાં આવે છે અને તેમાં એરપોર્ટની અંદર જ ઍક્સેસનો સમાવેશ થતો નથી અને કોઈ જોખમ ન હતું. પીલના પ્રાદેશિક પોલીસ નિરીક્ષક સ્ટીફન ડ્યુવેસ્ટીને જણાવ્યું છે કે તેમની ટીમ તમામ પાસાઓની તપાસ કરી રહી છે. તેમણે સોમવારની ઘટનાને દુર્લભ ગણાવી છે અને તેને અલગ રીતે જોવાની જરૂર હોવાનું પણ કહ્યું છે.
ચોરોએ વેરહાઉસ ફેસિલિટીમાં પ્રવેશ કર્યા બાદ આખેઆખું ગોલ્ડ સાથેનું કન્ટેનર લઇને ભાગી છૂટ્યા, પોલીસે કહ્યું ઘટના ‘રેરેસ્ટ ઓફ રેર’, સોનું ક્યાં ગયું ક્યાંથી આવ્યું અને હવે ક્યાં છે તેનાથી પોલીસ હજુ પણ અજાણ
તેમણે એ પણ જણાવ્યું કે કન્ટેનરનું કદ લગભગ પાંચ ચોરસ ફૂટ હતું. પરંતુ તેણે તેનું વજન કેટલું છે તે જણાવવાનો ઇનકાર કર્યો હતો. આ કાર્ગો કઈ એરલાઈનમાંથી આવ્યું , આ સોનું ક્યાંથી આવ્યું અને ક્યાં જવાનું હતું તે જણાવવાનો પણ અધિકારીઓએ ઈન્કાર કર્યો છે. પોલીસનું માનવું છે કે આ એક ઓર્ગેનાઇઝ ક્રાઇમ ગેંગનું કામ હોઇ શકે છે. પરંતુ પોલીસ અધિકારીઓનું કહેવું છે કે આ અંગે કંઈપણ કહેવું વહેલું ગણાશે.
