રવીન્દ્ર જયંતીના પવિત્ર દિવસે લેશે શપથ; અમિત શાહ અને પીએમ મોદીની હાજરીમાં ભવ્ય સમારોહ, કોલકાતામાં મળેલી ભાજપ ધારાસભ્ય દળની બેઠકમાં શુભેન્દુ અધિકારીના નામ પર અંતિમ મહોર
West bengal Chief Minister Shubhendu Adhikari : પશ્ચિમ બંગાળમાં દાયકાઓ બાદ સત્તા પરિવર્તન થયું છે. ભવાનીપુર બેઠક પરથી મમતા બેનર્જીને માત આપનાર શુભેન્દુ અધિકારી હવે રાજ્યની કમાન સંભાળશે. 7 May 2026 ના રોજ રાજ્યપાલ આર.એન. રવિએ વિધાનસભા ભંગ કર્યા બાદ, હવે નવી સરકારની રચનાની પ્રક્રિયા તેજ બની છે. પશ્ચિમ બંગાળમાં આ પ્રથમ વખત છે જ્યારે ભારતીય જનતા પાર્ટીની પૂર્ણ બહુમત વાળી સરકાર બનવા જઈ રહી છે.
નવા રાજકીય સમીકરણો
શુભેન્દુ અધિકારીની સાથે રાજ્યમાં બે ડેપ્યુટી સીએમ (નાયબ મુખ્યમંત્રી) પણ બનાવવામાં આવે તેવી પ્રબળ શક્યતા છે. ભાજપ આ માધ્યમથી બંગાળના વિવિધ જ્ઞાતિ અને પ્રાદેશિક સમીકરણોને સાધવાનો પ્રયાસ કરશે. રાજ્યપાલ દ્વારા જારી કરાયેલા નોટિફિકેશન મુજબ, ભાજપની શાનદાર જીત બાદ હવે રાજ્યમાં નવા વિકાસના અધ્યાયની અપેક્ષા રખાઈ રહી છે.
રવીન્દ્ર જયંતીનો શુભ સંયોગ
શુભેન્દુ અધિકારીએ શપથ ગ્રહણ માટે 9 મેનો દિવસ પસંદ કર્યો છે, જે સમગ્ર બંગાળ માટે રવીન્દ્રનાથ ટાગોરની જન્મજયંતિનો પવિત્ર દિવસ છે. બ્રિગેડ પરેડ ગ્રાઉન્ડમાં યોજાનારા આ કાર્યક્રમ માટે સુરક્ષાની ચુસ્ત વ્યવસ્થા કરવામાં આવી છે. મમતા બેનર્જીના ગઢ ગણાતા ભવાનીપુરમાં તેમને હરાવીને શુભેન્દુએ પોતાની લોકપ્રિયતા સાબિત કરી છે અને હવે તેઓ ‘સોનાર બાંગ્લા’ ના સંકલ્પ સાથે સત્તાના સૂત્રો સંભાળશે. 8 May 2026 ના રોજ આ જાહેરાત બાદ આખા બંગાળમાં ભાજપના કાર્યકરોમાં ભારે ઉત્સાહ જોવા મળી રહ્યો છે.
