સોમવાર સાંજ પછી ભારત સહિત દુનિયાના અનેક દેશોમાં ફેસબુક, ઇન્સ્ટાગ્રામ અને વોટ્સએપની સર્વિસ ડાઉન
નમસ્કાર ગુજરાત ન્યૂઝ
સોશિયલ મીડિયા પ્લેટફોર્મમાં સૌથી વધુ ઉપયોગ થતાં ફેસબુક, વોસ્ટએપ અને ઇન્સ્ટાગ્રામની સર્વિસ ડાઉન થઇ ગઇ છે. સોમવાર સાંજ પછીથી લગભગ 9.15 વાગ્યાથી સોશિયલ મીડિયાના આ ત્રણેય પ્રમુખ પ્લેટફોર્મની સર્વિસ ડાઉન થવાની ફરિયાદો સામે આવી છે. રિપોર્ટ મુજબ ભારત સહિત દુનિયાના અનેક દેશોમાં આ સ્થિતિ છે. જેમાં ફેસબુક, ઇન્સ્ટાગ્રામ અને વોટ્સએપના લાખો યૂઝર્સ મુશ્કેલીનો સામનો કરી રહ્યા છે.
ફેસબુક અને સહયોગી કંપનીઓ જેવી કે ઇન્સ્ટાગ્રામ અને વોટ્સએપના સર્વર ડાઉન થયા છે. આ ત્રણેય પ્લેટફોર્મ્સની સર્વિસ અચાનક બંધ થઇ ગઇ છે. શરુમાં યૂઝર્સે મોબાઇલ એપ્સ ઓપન કરી તો ખુલી નહીં. પાછળથી ત્રણેય પ્લેટફોર્મની સર્વિસ બંધ થઇ હોવાના સમાચાર જાહેર થયા હતા.
હાલમાં સોશિયલ મીડિયામાં વોટ્સએપ ટ્રેન્ડ કરી રહ્યું છે. આખી દુનિયામાં ક્યાંય સર્વિસ ચાલી નથી રહી. જોકે હજુ સુધી એ વાતનો ખુલાસો થયો નથી કે આમ કેમ બન્યું છે.
ફેસબુકના પેજને રિફ્રેશ કરવામાં કંપની તરફથી સ્ક્રિન પર મેસેજ ડિસ્પ્લે થઇ રહ્યો છે કે, “Sorry, something went wrong. We’re working on it and we’ll get it fixed as soon as we can,
આ મામલે ફેસબુક, વોટ્સએપ અને ઇન્સ્ટાગ્રામનું ઓફિશિયલ સ્ટેટમેન્ટ આવ્યું છે. વોટ્સએપે કહ્યું કે, અમે નથી જાણતા કે હાલમાં કેટલાક લોકો whatsappમાં સમસ્યા આવી રહી છે. ફેસબુક તરફથી સત્તાવાર જાહેરાત કરવામાં આવી છે. ફેસબુકે ટ્વીટ કરી છે કે, અમે જાણીએ છીએ કે કેટલાક યૂઝર્સને અમારી એપ્સ અને ઉત્પાદનો સુધી પહોંચવામાં મુશ્કેલી આવી રહી છે. અમે પરિસ્થિતિ બને એટલા ઓછા સમયમાં સામાન્ય બનાવવાના પ્રયત્ન કરી રહ્યા છીએ, અન્ય કોઇપણ અસુવિધા માટે અમે માફી માંગીએ છીએ.
