મકાનની કિંમતે આખો 20 હેક્ટરનો પ્રાઇવેટ આઇલેન્ડ ઓનલાઇન વેચાણમાં મૂકાયો
ઓસ્ટ્રેલિયાના કોઇપણ શહેરમાં સારામાં સારું ઘર લેવું હોય તો અંદાજે એક મિલિયન ડોલર આસપાસ ખર્ચ કરવા તૈયાર રહેવું પડે પરંતુ તમે ક્યારેય સાંભળ્યું છે કે એક મિલયન ડોલરમાં 20 હેક્ટર જમીન સાથેનો ટાપુ આવી જાય. પરંતુ આ હકીકત છે. કારણ કે સાંભળીને નવાઇ લાગશે પરંતુ પૂલ આઇલેન્ડ કે જે વ્હાઇટ્સસન્ડેઝમાં આવેલું છે અને તેને હવે વેચવા માટે મૂકવામાં આવ્યું છે જ્યાં તેની કિંમત માત્ર 1 મિલિયન ડોલરથી પણ ઓછી મૂકવામાં આવી છે.
પ્રાઈવેટ આઈલેન્ડ ઓનલાઈન ઓસ્ટ્રેલિયાના રિચાર્ડ વેનહોફે 7NEWS.com.au ને જણાવ્યું હતું કે 20ha ટાપુ ખરીદવા માટેનો કરાર તાજેતરમાં સમાપ્ત થઈ ગયો હતો કારણ કે ખરીદનારનો સંપર્ક થઈ શક્યો નથી. પૂલ આઇલેન્ડ, વ્હાઇટસન્ડેઝમાં આવેલું છે, તેના પર બે ઘરો છે, એક 1800 ના દાયકાના અંતમાં અને બીજું 1980 ના દાયકામાં બાંધવામાં આવ્યું હતું.
તેમણે જણાવ્યું હતું કે “હું પુષ્ટિ કરી શકું છું કે અમે ખરીદનારનો સંપર્ક કરી શક્યા નથી અને અમે જાતે પ્રયાસ કર્યો છે, અને અમે ખરીદદારના સોલિસિટરની સલાહ પણ લઈ રહ્યા છીએ, જેઓ તેમનો સંપર્ક કરી શક્યા નથી.” જેથી અમે હવે, ટાપુ $995,000 થી વધુની ઑફરો સ્વીકારી રહ્યા છીએ.
ટાપુની શું શું છે વિશેષતા ? |
બે ઘરો સિવાય, ટાપુની અન્ય વિશેષતાઓમાં હાથથી બનાવેલ રોક સ્વિમિંગ પૂલ અને નજીકના મેઇનલેન્ડ હબ એરલી બીચ અથવા બોવેનમાંથી આવતા નાના એરક્રાફ્ટ અથવા હેલિકોપ્ટર માટે 215m રનવેનો સમાવેશ થાય છે. દરમિયાન, વ્હાઇટસન્ડેમાં નજીકના અન્ય ખાનગી ટાપુનું વેચાણ $1.5 મિલિયનમાં થયું છે. પેરેડાઇઝ બે આઇલેન્ડ, જે 10 લક્ઝરી બીચ ફ્રન્ટ બંગલોથી સજ્જ હતું, તે પણ પ્રાઇવેટ આઇલેન્ડ ઓનલાઈન ઓસ્ટ્રેલિયા દ્વારા વેચવામાં આવ્યું હતું.
