મુંબઇ ઇન્ડિયન્સ 192/5, સનરાઇઝર્સ હૈદરાબાદ 178/10, કેમેરુન ગ્રીન અણનમ 64 રન અને એક વિકેટ,
હૈદરાબાદમાં રમાયેલી આ મેચમાં મુંબઈની ટીમે ટોસ હાર્યા બાદ પ્રથમ બેટિંગ કરતા 5 વિકેટે 192 રન બનાવ્યા હતા. કેમરૂન ગ્રીને 40 બોલમાં 64 રન બનાવ્યા હતા. તેના સિવાય ઈશાન કિશને 31 બોલમાં 38 અને તિલક વર્માએ 17 બોલમાં 37 રન બનાવ્યા હતા. બોલિંગમાં માર્કો જેન્સને 2 વિકેટ લીધી હતી.
193 રનના ટાર્ગેટનો પીછો કરવા ઉતરેલી સનરાઈઝર્સ ટીમ 178 રન જ બનાવી શકી અને મેચ હારી ગઈ. મયંક અગ્રવાલે 41 બોલમાં સૌથી વધુ 48 રન બનાવ્યા હતા. હેનરિક ક્લાસને 16 બોલમાં 36 રનની તોફાની ઇનિંગ રમી હતી. કેપ્ટન એડન માર્કરામે 22 રન બનાવ્યા હતા. મુંબઈ તરફથી જેસન બેહરેનડોર્ફ, રિલે મેરેડિથ અને પીયૂષ ચાવલાએ 2-2 વિકેટ લીધી હતી.
આ જીત સાથે મુંબઈની ટીમે બે પોઈન્ટ મેળવી લીધા છે. તેના હવે પાંચ મેચમાં છ પોઈન્ટ છે. રોહિત શર્માની ટીમ છઠ્ઠા સ્થાને પહોંચી ગઈ છે. તે જ સમયે, હૈદરાબાદની આ ત્રીજી હાર છે અને તે પોઈન્ટ ટેબલમાં નવમા સ્થાને છે.
અર્જુને છેલ્લી ઓવરમાં 20 રન ન થવા દીધા
સનરાઇઝર્સ હૈદરાબાદને છેલ્લી ઓવરમાં 20 રનની જરૂર હતી. મુંબઈના કેપ્ટન રોહિત શર્માએ યુવા અર્જુન તેંડુલકરને બોલિંગ માટે બોલાવ્યો હતો. અર્જુને કેપ્ટનના વિશ્વાસને યોગ્ય ઠેરવ્યો અને માત્ર ચાર રન આપ્યા. તેની ઓવરમાં બે વિકેટ પણ પડી હતી. અબ્દુલ સમદ બીજા બોલ પર રનઆઉટ થયો હતો અને પાંચમા બોલ પર અર્જુન તેંડુલકરે ભુવનેશ્વર કુમારને રોહિત શર્માના હાથે કેચ કરાવી સનરાઇઝર્સની ઇનિંગ્સને સમેટી લીધી હતી.
અર્જુનને પહેલી સફળતા મળી
અર્જુનને IPLમાં પહેલી સફળતા મળી છે. અર્જુને 2.5 ઓવરમાં 18 રન આપ્યા હતા. તેને સફળતા મળી. તેને છેલ્લી મેચમાં કોલકાતા નાઈટ રાઈડર્સ સામે ડેબ્યૂ કરવાની તક મળી હતી. ત્યારબાદ અર્જુને બે ઓવરમાં 17 રન આપ્યા હતા. તેણે બંને મેચમાં પોતાની બોલિંગથી પ્રભાવિત કર્યા છે.
સનરાઇઝર્સના બેટ્સમેનો નિષ્ફળ રહ્યા હતા
સનરાઇઝર્સ માટે માત્ર પાંચ બેટ્સમેન ડબલ ફિગર પાર કરી શક્યા હતા. મયંક અગ્રવાલે 41 બોલમાં સૌથી વધુ 48 રન બનાવ્યા હતા. હેનરિક ક્લાસને 16 બોલમાં 36 રન બનાવ્યા હતા. એડન માર્કરામે 22, માર્કો જેન્સને 13 અને વોશિંગ્ટન સુંદરે 10 રન બનાવ્યા હતા. હેરી બ્રુક નવ, રાહુલ ત્રિપાઠી સાત અને અભિષેક શર્મા એક રન બનાવીને આઉટ થયા હતા.
ટીમને અબ્દુલ સમદ પાસેથી છેલ્લી ઓવરોમાં વિસ્ફોટક બેટિંગની અપેક્ષા હતી, પરંતુ તે 12 બોલમાં માત્ર નવ રન જ બનાવી શક્યો હતો. મુંબઈ તરફથી જેસન બેહરનડોર્ફ, રિલે મેરેડિથ અને પીયૂષ ચાવલાએ બે-બે વિકેટ લીધી હતી. અર્જુન તેંડુલકર અને કેમરન ગ્રીનને એક-એક સફળતા મળી.
17.50 કરોડનો કેમરૂન ગ્રીન ચમક્યો
મુંબઈની વાત કરીએ તો ઓસ્ટ્રેલિયાના કેમરન ગ્રીને સૌથી વધુ રન બનાવ્યા હતા. ગ્રીને 40 બોલમાં અણનમ 64 રનની ઇનિંગ રમી હતી. તેને મુંબઈ ઈન્ડિયન્સે આ વખતે હરાજીમાં 17.50 કરોડ રૂપિયામાં ખરીદ્યો હતો. ગ્રીને IPLમાં તેની પ્રથમ અડધી સદી ફટકારીને મુંબઈ ફ્રેન્ચાઈઝીના નિર્ણયને સાચો સાબિત કર્યો. તેણે એક વિકેટ પણ લીધી હતી. ગ્રીનને પ્લેયર ઓફ ધ મેચ તરીકે પસંદ કરવામાં આવ્યો હતો.
કિશન, તિલક અને રોહિતે ઝડપી રન બનાવ્યા હતા
ઈશાન કિશને 31 બોલમાં 38 અને તિલક વર્માએ 17 બોલમાં 37 રન બનાવ્યા હતા. કેપ્ટન રોહિત શર્માએ 18 બોલમાં 28 અને ટિમ ડેવિડે 11 બોલમાં 16 રનનું યોગદાન આપ્યું હતું. સૂર્યકુમાર યાદવ સાત રન બનાવીને આઉટ થયો હતો. સનરાઇઝર્સ તરફથી માર્કો જેન્સને સૌથી વધુ બે વિકેટ ઝડપી હતી. ભુવનેશ્વર કુમાર અને ટી નટરાજનને એક-એક સફળતા મળી.
