રિલાયન્સ ઈન્ડસ્ટ્રીઝના ચેરમેન અને એશિયાના સૌથી ધનિક બિઝનેસમેન મુકેશ અંબાણીના સૌથી નાના પુત્ર અનંત અંબાણી જુલાઈમાં લગ્ન થવા જઈ રહ્યા છે ત્યારે અનંત અને તેમના મંગેતર રાધિકા મર્ચન્ટનું બીજું શાનદાર પ્રી-વેડિંગ સેલિબ્રેશન સમુદ્રની વચ્ચે ક્રુજ શિપ પર થવાનું છે.
અત્રે ઉલ્લેખનીય છે કે અનંત અંબાણી અને રાધિકા મર્ચન્ટનો અગાઉ એક પ્રી-વેડિંગ સમારોહ અંબાણી પરિવારના મૂળ વતન ગુજરાતના જામનગર ખાતે ધામધૂમથી યોજાયા બાદ હવે અન્ય બીજા પ્રી-વેડિંગ સમારોહનું સેલિબ્રેશન થવા જઈ રહ્યું છે અને તે લોકેશન ખૂબ જ અદભૂત હશે જીહા,ભવ્ય લકઝરીયર્સ ક્રુઝમાં વિદેશની દરિયાઈ અનોખી સફરમાં આ સેલિબ્રેશન થવાનું છે.
મીડિયા રિપોર્ટ્સ અનુસાર, આ મહિને એટલે કે તા.28 થી 30 મેની વચ્ચે ઇટલીમાં બીજુ પ્રી-વેડિંગ ફંક્શન થવા જઈ રહ્યુ છે.
અનંત-રાધિકાના આ બીજા પ્રી-વેડિંગ ફંક્શનની ઉજવણીમાં લગભગ 800 મહેમાનો હાજરી આપશે.
મુકેશ અંબાણી અને નીતા અંબાણી તેમના પુત્ર અને પુત્રવધૂના લગ્ન પહેલાની ઉજવણીને યાદગાર બનાવવા માટે કોઈ કસર છોડશે નહીં અને માનવામાં આવે છે કે આ માટે ક્રુઝ શિપ પર 600 સ્ટાફ મેમ્બર તૈનાત કરવામાં આવી રહ્યા છે જેઓ પ્રી-વેડિંગ ફંક્શનમાં આવનાર સેલિબ્રિટી મહેમાનોની દરેક જરૂરિયાતનું ખાસ ધ્યાન રાખશે.
આ ક્રૂઝની સફર 28 મેના રોજ ઈટાલીના સીટી બંદરથી શરૂ થશે જે 2365 નોટિકલ માઈલ એટલે કે લગભગ 4380 કિલોમીટરનું અંતર કાપીને દક્ષિણ ફ્રાન્સ સુધી જશે.
વાદળી સમુદ્રના મોજાઓ પર આ વૈભવી ક્રૂઝમાં દેશ-વિદેશના સેલિબ્રિટીઝ હશે, લાઇટ્સ,મ્યુઝિક,ડાન્સ,ખાનપાન સાથે વૈભવી સફર સાથે અનોખું બીજું પ્રિ-વેડિંગ યોજાશે જે તેઓના જીવનનું યાદગાર પ્રિ-વેડિંગ બની રહેશે.
◆ આ કપલ 12 જુલાઈના રોજ લગ્નના બંધનમાં બંધાઈ જશે.
મહત્વનું છે કે ગત તા.1 થી 3 માર્ચ દરમિયાન ગુજરાતના જામગરમાં અનંત અંબાણી અને રાધિકા મર્ચન્ટની પ્રથમ પ્રી-વેડિંગ ઈવેન્ટે વિશ્વભરનું ધ્યાન ખેંચ્યું હતું.
આ મેગા ઈવેન્ટમાં દેશ-વિદેશની પ્રખ્યાત હસ્તીઓએ ભાગ લીધો હતો અને આ ઉજવણી યાદગાર બની રહી હતી.
અનંત અંબાણી અને રાધિકા મર્ચન્ટના જામનગર ખાતે યોજાયેલા પ્રથમ પ્રી-વેડિંગ ઈવેન્ટમાં ગ્લોબલ પોપ સિંગર રિહાનાથી લઈને ભારતીય સિનેમા જગતના જાણીતા ફિલ્મી સિતારા,હિરોઇન હાજર રહયા હતા.
બિલ ગેટ્સથી લઈને માર્ક ઝુકરબર્ગ સહિતના દેશ-વિદેશના ઉદ્યોગપતિઓ પણ હાજર રહયા હતા અને ભારે ધામધૂમથી સગાઈ પ્રસંગ ઉજવ્યા બાદ હવે બીજું વૈભવી સગાઈ સેલિબ્રેશન આગામી તા.28 થી 30 મેની વચ્ચે ઇટાલીથી દ. ફ્રાન્સ સુધી દરિયામાં ક્રુઝમાં ઉજવવામાં આવશે જેની તડામાર તૈયારીઓ ચાલી રહી છે.
ત્યારબાદ 12મી જુલાઈના રોજ અનંત અંબાણી અને રાધિકા મર્ચન્ટના લગ્ન થશે.
