Kaali Film Poster: ફિલ્મના પોસ્ટર પર હંગામો, ફિલ્મ નિર્માતાની ધરપકડ કરવાની માંગ ઉઠી, ભારતીય ફિલ્મ નિર્માતા લીના મણિમેકલાઈએ 2 જુલાઈના રોજ તેમની દસ્તાવેજી ફિલ્મ કાલીનું પોસ્ટર શેર કર્યું. ફિલ્મના પોસ્ટરમાં ‘મા કાલી’ના હાથમાં સિગારેટ અને એલજીબીટી ફ્લેગ જોઈને લોકો ગુસ્સે થયા
ડોક્યુમેન્ટરી ‘કાલી’ના પોસ્ટર પર વિવાદ: સોશિયલ મીડિયામાં યુઝર્સ ભડક્યા, ફિલ્મમેકરની ધરપકડ કરવાની માગ
નમસ્કાર ગુજરાત ન્યૂઝ.
ડોક્યુમેન્ટરી ફિલ્મ ‘કાલી’ના પોસ્ટરને લઈને મોટો વિવાદ ઉભો થયો છે. આ ફિલ્મનું પોસ્ટર ભારતીય ફિલ્મ નિર્માતા લીના મણિમેકલાઈ દ્વારા 2 જુલાઈએ રિલીઝ કરવામાં આવ્યું હતું. પરંતુ ફિલ્મના પોસ્ટરમાં ‘મા કાલી’ સિગારેટ પીતા બતાવવામાં આવ્યા છે. એટલું જ નહીં તેના એક હાથમાં ત્રિશૂળ અને બીજા હાથમાં એલજીબીટી સમુદાયનો રંગબેરંગી ધ્વજ છે. આ બે બાબતોને લઈને વિવાદ છે. યુઝર્સ લીના મણિમેકલાઈની ધરપકડ કરવાની માંગ કરી રહ્યા છે.
સોશિયલ મીડિયા પર લોકો ફિલ્મમેકર લીના મણિમેકલાઈને ઉગ્રતાથી કહી રહ્યા છે. ઘણા લોકો લીના મણિમેકલાઈની ધરપકડની માંગ પણ કરી રહ્યા છે. #arrestleenamanimekalai સોશિયલ મીડિયા પર ટ્રેન્ડ કરી રહી છે. લોકોનું કહેવું છે કે પોસ્ટરમાં મેકર્સે માતા કાલીનું અપમાન કર્યું છે. લીના મણિમેકલાઈ પર હિન્દુઓની ભાવનાઓને ઠેસ પહોંચાડવાનો આરોપ છે.
ફિલ્મ નિર્માતા લીના મણિમેકલાઈએ તેની ડોક્યુમેન્ટરી ફિલ્મનું પોસ્ટર શેર કરતા જણાવ્યું કે તેની ફિલ્મ કેનેડા ફિલ્મ ફેસ્ટિવલ (રિધમ્સ ઓફ કેનેડા)માં લોન્ચ કરવામાં આવી છે. તે પોતાની ફિલ્મને લઈને ખૂબ જ ઉત્સાહિત હતી. પરંતુ પોસ્ટર સામે આવ્યા બાદ લોકોએ તેને સંપૂર્ણપણે નકારી કાઢી છે.
સોશિયલ મીડિયામાં યુઝર્સ રોષે ભરાયા ?
પોસ્ટર પર અમિત શાહને PMOને ટેગ કરતા એક સોશિયલ મીડિયા યુઝરે તેના પર કાર્યવાહીની માંગ કરી છે. અન્ય એક યુઝરે લખ્યું – શરમ કરો, તમે જે મા કાલીનો સ્વભાવ બતાવ્યો છે તે તમારો છે, મા કાલીનો નહીં અને મા કાલી પોતે તમને આની સજા આપશે. આ દુષ્કર્મ માટે તમને ક્યારેય માફી નહીં મળે.
કેનેડા ફિલ્મ ફેસ્ટિવલમાં લૉન્ચ થશે
લીનાએ ‘કાલી’નું પોસ્ટર 2 જુલાઈ, 2022ના રોજ લૉન્ચ કર્યું હતું. પોસ્ટર લૉન્ચ કરીને કહ્યું હતું કે તે ઘણાં જ ઉત્સાહી છે, કારણ કે આ ડોક્યુમેન્ટ્રી ‘કેનેડા ફિલ્મ ફેસ્ટિવલ’માં લૉન્ચ કરવામાં આવશે.
