ઈરાન સમર્થિત હુથી બળવાખોરોએ આજે રવિવારે સવારે લાલ સમુદ્રમાં વધુ તેલ વહન કરતા અન્ય જહાજને નિશાન બનાવ્યું હતું.
જણાવવામાં આવ્યું છે કે આ જહાજ પર ભારતનો ધ્વજ હતો.
જહાજ પર ડ્રોન દ્વારા હુમલો કરવામાં આવ્યો હતો, ત્યારબાદ આ વિસ્તારમાં હાજર અમેરિકન યુદ્ધ જહાજને ખતરાનો સંકેત મોકલવામાં આવ્યો હતો.
અમેરિકી સેના દ્વારા જારી કરવામાં આવેલા નિવેદન અનુસાર, આ ગેબોન ઓઈલ ટેન્કર ડ્રોનનું નિશાન બન્યું હતું. જોકે આ ઘટનામાં કોઈ જાનહાનિ થઈ નથી.
એક સાથે બે જહાજો દ્વારા હુમલો કરવામાં આવ્યો હોવાના અહેવાલ છે. આમાંથી એક નોર્વેજીયન ધ્વજવાળું કેમિકલ ટેન્કર એમવી બ્લેમેનેન હતું. હુથિસનું ડ્રોન તેનું લક્ષ્ય ચૂકી ગયું. જો કે, ભારતીય ધ્વજ ધરાવતા એમવી સાઈબાબા ડ્રોન હુમલા હેઠળ આવ્યા હતા.જેના પર ભારતીય ધ્વજ હતો, પરંતુ તેની માલિકી ગેબનની છે.
આ એક ક્રૂડ ઓઈલ ટેન્કર છે, જેના પર ડ્રોન દ્વારા એકતરફી હુમલો કરવામાં આવ્યો હતો. આમાં પણ કોઈ જાનહાનિ થઈ ન હતી.
અત્રે ઉલ્લેખનીય છે કે ઇઝરાયેલ અને હમાસ વચ્ચેના યુદ્ધમાં સામેલ થયેલા હુથી બળવાખોરો આંતરરાષ્ટ્રીય જહાજોને નિશાન બનાવી રહ્યા છે. હુથી બળવાખોરો દ્વારા ફરી એકવાર જહાજોને નિશાન બનાવવામાં આવ્યા છે. આ વખતે એક ભારતીય ધ્વજવાળું જહાજ પણ હુથીઓના નિશાના હેઠળ આવ્યું છે. હુથિઓ દ્વારા ડ્રોન અને મિસાઈલ હુમલા કરવામાં આવ્યા હતા. યુએસ સેન્ટ્રલ કમાન્ડે આ હુમલાની માહિતી આપી છે.
મહત્વનું છે કે ગઈકાલે શનિવારે પણ ગુજરાતના દરિયાકાંઠે એક જહાજ પર હુમલો કરવામાં આવ્યો હતો. પેન્ટાગોન અનુસાર, આ હુમલો ઈરાન દ્વારા કરવામાં આવ્યો હતો.
