દોઢ વર્ષમાં ચોથી વખત પૂરની કટોકટીની સ્થિતિનો સામનો કરતા લોકો, સિડની આસપાસ શુક્રવારથી અવિરત વરસાદથી ડેમ ભરાાયા અને નદીઓના પાળા તૂટી ગયા, સિડની આસપાસ 24 કલાકમાં 11 ઇંચથી પણ વધુ વરસાદ ખાબક્યો
નમસ્કાર ગુજરાત ન્યૂઝ.
ઓસ્ટ્રેલિયા (Australia)ના સિડની (Sydney) અને તેની આસપાસ રહેતા 30,000 થી વધુ લોકોને સોમવારે તેમના ઘર ખાલી કરવા અથવા છોડવા માટે કહેવામાં આવ્યું હતું. કારણ કે મુશળધાર વરસાદ (Heavy Rain Fall)ને કારણે ઓસ્ટ્રેલિયાના સૌથી મોટા શહેરમાં ભારે પૂરનો ભય હતો. શુક્રવારથી અવિરત વરસાદથી ડેમ ભરાઈ ગયા છે અને નદીઓના પાળા તૂટી ગયા છે, જેના કારણે શહેરમાં 50 લાખ લોકો દોઢ વર્ષમાં ચોથી વખત પૂરની કટોકટીની સ્થિતિનો સામનો કરી રહ્યા છે.
સ્થિતિ હજુ પણ ગંભીર બને તેવી શક્યતા
ઇમરજન્સી મેનેજમેન્ટ મિનિસ્ટર મુરે વોટે ઓસ્ટ્રેલિયન બ્રોડકાસ્ટિંગ કોર્પ (એબીસી) ને જણાવ્યું હતું કે, અમારી પાસે નવીનતમ માહિતી એ છે કે આ વર્ષનું પૂર 18 મહિના પહેલા આ વિસ્તારોમાં આવેલા પૂર કરતાં વધુ ખરાબ હોવાની અપેક્ષા છે. ન્યૂ સાઉથ વેલ્સ રાજ્યના વડા પ્રધાન ડોમિનિક પેરોટે જણાવ્યું હતું કે, 32,000 લોકોને અસરગ્રસ્ત ખાલી કરાવવાના આદેશો અને ચેતવણીઓ જારી કરવામાં આવી છે.
વોલોન્ગોંગમાં 24 કલાકમાં 39 ઇંચથી વધુ વરસાદ
સ્ટેટ ઇમરજન્સી સર્વિસે મેનાંગલ, લિવરપૂલ, મિલપેરા, કેમડેન, નોર્થ રિચમન્ડ, વાલેસિયા, પેનરિથ, સેકવિલે, અપર કોલો અને વિન્ડસરના રહેવાસીઓને ટેક્સ્ટ સંદેશા મોકલ્યા હતા કે તેઓને ખાલી કરાવવાનો આદેશ જારી કરવામાં આવે તો તૈયાર રહેવાની ચેતવણી આપી હતી. છેલ્લા 24 કલાકમાં, ઇલાવરામાં એક જ દિવસમાં 200mm વરસાદ સાથે કેટલાક વિસ્તારોમાં પૂરની સ્થિતિ વધુ વણસી થઇ ગઇ હતી. નોંધનીય છે કે જુલાઈની લગભગ 50mmની સરેરાશથી તદ્દન વર્તમાન વરસાદની સરેરાશ અત્યંત વિપરિત છે.
છેલ્લા 48 કલાક દરમિયાન અડધા મીટરથી વધુ (1.6 ફૂટ) વરસાદે પૂર્વીય ન્યૂ સાઉથ વેલ્સના ભાગોને ભીંજવ્યા છે, અસંખ્ય ડેમમાંથી છલકાવાથી સમગ્ર પ્રદેશમાં પૂરની ચેતવણી આપવામાં આવી છે. પશ્ચિમી સિડનીમાં, વારરાગમ્બા ડેમ – ઓસ્ટ્રેલિયાનો સૌથી મોટો શહેરી જળાશય – રવિવારે સવારે 2 વાગ્યે ઓવરફ્લો થવા લાગ્યો છે અને તેની ટોચ પર 515 ગીગાલિટરની તેની દિવાલો પર છલકાઈ રહ્યો હતો.
