વડાપ્રધાન નરેન્દ્ર મોદીના નેતૃત્વમાં ભારતીય જનતા પાર્ટી (BJP) લોકસભા ચૂંટણીમાં હેટ્રિક બનાવવા માટે કમર કસી રહી છે.
ભાજપે હવે આઠમી યાદી બહાર પાડી છે.
જેમાં પંજાબના 6, ઓડિશાના 3 અને પશ્ચિમ બંગાળના 2 ઉમેદવારોના નામ સામેલ છે.
આ યાદીમાં બીજેપીએ ગુરદાસપુર લોકસભા સીટ પરથી સની દેઓલની ટિકિટ કાપીને ત્યાંથી નવા ઉમેદવાર ઠાકુર દિનેશ સિંહ ઉર્ફે બબ્બુને મેદાનમાં ઉતાર્યા છે.
દિલ્હીના સાંસદ હંસરાજ હંસને પંજાબની ફરીદકોટ બેઠક પરથી ઉમેદવાર બનાવવામાં આવ્યા છે.
રવનીત બિટ્ટુ તાજેતરમાં કોંગ્રેસને આંચકો આપીને ભાજપમાં જોડાયા છે.
ભાજપે અમૃતસર લોકસભા સીટ પરથી તરનજીત સિંહ સંધુને મેદાનમાં ઉતાર્યા છે અને પટિયાલા લોકસભા સીટ પરથી કેપ્ટન અમરિંદર સિંહની પત્ની પ્રનીત કૌર પર ભરોસો વ્યક્ત કર્યો છે.
ભારતીય જનતા પાર્ટીએ લુધિયાણાથી રવનીત સિંહ બિટ્ટુ અને જલંધરથી સુશીલ કુમાર રિંકુને મેદાનમાં ઉતાર્યા છે.
પંજાબના પૂર્વ સીએમ બિઅંત સિંહના પૌત્ર રવનીત બિટ્ટુ તાજેતરમાં કોંગ્રેસ છોડીને ભાજપમાં જોડાયા છે. રવનીત બિટ્ટુ હાલમાં લુધિયાણાથી સાંસદ છે. જાલંધરના સાંસદ સુશીલ કુમાર રિંકુ પણ તાજેતરમાં આમ આદમી પાર્ટી (AAP) સામે બળવો કરીને ભાજપમાં જોડાયા હતા. પ્રનીત કૌર પણ તાજેતરમાં કોંગ્રેસ છોડીને ભાજપમાં જોડાઈ હતી.
