કોરોના રસીની મંજુરી બાદ હવે ભારતીય વિદ્યાર્થીઓના પ્રવેશ અંગે લેવાશે નિર્ણય
નમસ્કાર ગુજરાત ન્યૂઝ
ઓસ્ટ્રેલિયાના વડા પ્રધાન સ્કોટ મોરિસને મેલબોર્નમાં જણાવ્યું હતું કે ભારતમાંથી આવનારા આંતરરાષ્ટ્રીય વિદ્યાર્થીઓ અને પ્રવાસીઓને ટૂંક સમયમાં દેશમાં પ્રવેશવાની મંજૂરી આપવામાં આવશે.તમે જાણો છો, અમે ભારતીય વિદ્યાર્થીઓ ઑસ્ટ્રેલિયા પાછા આવવાની રાહ જોઈ રહ્યા છીએ, અલબત્ત, ભારતીય ઉત્પાદિત રસીઓને મંજૂરી આપી છે જે ભારતીય વિદ્યાર્થીઓ અને ભારતીય પ્રવાસીઓને ઑસ્ટ્રેલિયા પાછા ફરવામાં મદદ કરશે,” મોરિસને મેલબોર્નના રોવિલે ઉપનગરમાં મહાત્મા ગાંધીની પ્રતિમાના અનાવરણ સમયે બોલતા જણાવ્યું હતું.
ભારતની 2 કોરોના વેક્સિનને અપાઇ છે મંજૂરી
કેનબેરાએ ઓસ્ટ્રેલિયામાં પ્રવેશતા પ્રવાસીઓ માટે કોવેક્સિન અને કોવિશિલ્ડને પહેલેથી જ મંજૂરી આપી દીધી છે. મોરિસને એ પણ ધ્યાન દોર્યું હતું કે સરકારે તાત્કાલિક કુટુંબની વ્યાખ્યાનો વિસ્તાર કર્યો છે જેનો લાભ એવા લોકોને મળશે જેઓ તેમના માતાપિતાથી અમુક સમય માટે વિખૂટા પડી ગયા છે.ઑસ્ટ્રેલિયા માટે શિક્ષણ એ મુખ્ય વિદેશી હૂંડિયામણ મેળવતું ક્ષેત્ર છે અને એવો અંદાજ છે કે ત્યાંની યુનિવર્સિટીઓમાં નોંધાયેલા છ લાખથી વધુ વિદેશી વિદ્યાર્થીઓમાંથી એક પાંચમા ભાગ અથવા એક લાખથી વધુ વિદ્યાર્થીઓ ભારતના છે. આ ઉપરાંત ભારતમાંથી દર વર્ષે ચાર લાખ જેટલા પ્રવાસીઓ ઓસ્ટ્રેલિયાની મુલાકાતે આવે છે. મોરિસને પરિવાર પ્રત્યેની પ્રતિબદ્ધતા માટે ભારતીય ડાયસ્પોરાની પણ પ્રશંસા કરી અને પીએમ નરેન્દ્ર મોદીની પણ પ્રશંસા કરી હતી.
