Asia Cup 2022, IND vs SL: એશિયા કપ 2022 ના સુપર ફોર મેચમાં શ્રીલંકાએ ભારતને 6 વિકેટે હરાવ્યું. આ હાર સાથે ટીમ ઈન્ડિયા એશિયા કપમાંથી લગભગ બહાર થઈ ગઈ છે.
નમસ્કાર ગુજરાત ન્યૂઝ
એશિયા કપ 2022ના સુપર ફોર મેચમાં શ્રીલંકાએ ભારતને 6 વિકેટે હરાવ્યું. આ હાર સાથે ટીમ ઈન્ડિયા એશિયા કપમાંથી લગભગ બહાર થઈ ગઈ છે. આ પહેલા પાકિસ્તાને ભારતને 5 વિકેટે હરાવ્યું હતું. હાર બાદ હવે તે પોઈન્ટ ટેબલમાં ત્રીજા સ્થાને છે. દુબઈમાં મંગળવારે રમાયેલી મેચમાં પ્રથમ બેટિંગ કરતા ભારતે 174 રનનો ટાર્ગેટ આપ્યો હતો. જવાબમાં શ્રીલંકાએ 4 વિકેટ ગુમાવીને મેચ જીતી લીધી હતી.
ભારતે આપેલા ટાર્ગેટનો પીછો કરવા ઉતરેલી શ્રીલંકાની ટીમે 19.5 ઓવરમાં 4 વિકેટ ગુમાવીને ટાર્ગેટ હાંસલ કરી લીધો હતો. શ્રીલંકા તરફથી પથુમ નિસાંકા અને કુસલ મેન્ડિસે શાનદાર શરૂઆત કરી હતી. આ બંને વચ્ચે મજબૂત ભાગીદારી બની હતી. નિસાન્કાએ 37 બોલમાં 52 રન બનાવ્યા હતા. તેણે 4 ચોગ્ગા અને 2 છગ્ગા ફટકાર્યા હતા. મેન્ડિસે 37 બોલમાં 57 રન બનાવ્યા હતા. તેની ઇનિંગમાં 4 ચોગ્ગા અને 3 છગ્ગાનો સમાવેશ થાય છે. ચરિથ અસલંકા ખાતું ખોલાવ્યા વિના આઉટ થઈ ગયો હતો. અંતમાં ભાનુકા રાજપક્ષે અને દાસુન શનાકાએ તોફાની ઇનિંગ્સ રમી હતી. રાજપક્ષેએ 17 બોલમાં 25 રન બનાવ્યા હતા. બીજી તરફ શનાકાએ 18 બોલમાં અણનમ 33 રન બનાવ્યા હતા.
