અશોક પટેલે એડમન્ટન ગેટવે બેઠક પરથી ચૂંટણીમાં અપક્ષ ઉમેદવારી નોંધાવી, કેનેડાના 45મા ફેડરલ ઇલેક્શનમાં અંદાજે 4 જેટલા ગુજરાતી ઉમેદવારો મેદાનમાં નસીબ અજમાવશે
આમ તો ગુજરાતીમાં એક કહેવત છે કે જ્યાં જ્યાં ગુજરાતી ત્યાં ત્યાં સદાકાળ ગુજરાત. સમગ્ર વિશ્વમાં ગુજરાતીઓનો ડંકો વાગે છે પરંતુ વાત જ્યારે વિશ્વભરમાં ફેલાયેલા ગુજરાતીઓના ચૂંટણી લડવાની આવે ત્યારે ભારતના અન્ય રાજ્યોના વિદેશમાં વસતા લોકો સામે ગુજરાતી વામણો પૂરવાર થાય છે. યુકે અને યુએસએને બાદ કરીએ તો ઘણાં ઓછા ગુજરાતીઓ વિશ્વના વિવિધ દેશોમાં પાર્લામેન્ટ ઇલેક્શનમાં જંપલાવતા હોય છે. કારણ કે આપણે ગુજરાતી ધંધા માટે જાણીતા છીએ નહીં કે રાજકારણમાં. જોકે દેશમાં જ્યાં વડાપ્રધાન નરેન્દ્ર મોદી અને અમિત શાહ રૂપે બે ગુજરાતીએ ભારતના રાજકારણમાં ડંકો વગાડ્યો છે વિશ્વભરમાં તેમ હવે કેનેડામાં પણ ચાર ગુજરાતીઓ ચૂંટણીના મેદાનમાં ઉતર્યા છે.
આ લેખ દ્વારા આજે એડમન્ટન ગેટવેમાં અપક્ષ ઉમેદવારી નોંધાવનારા અશોક પટેલની વાત કરવી છે. કેનેડાના રાજકીય ક્ષેત્રમાં ભારતીય પંજાબીઓનું એક મહત્વપૂર્ણ બળ હોવા છતાં, ગુજરાતીઓ એક મુખ્ય જૂથ તરીકે ઉભરી આવ્યા છે, કારણ કે ભારતીય મૂળના ઇમિગ્રન્ટ્સ કેનેડામાં સતત ધંધા તથા પ્રોફેશ્નલ ક્ષેત્રે આગવું સ્થાન મેળવી રહ્યા છે. આ મહિનાના અંતમાં 28મી એપ્રિલે ફેડરલ ચૂંટણીઓ યોજાશે. કેનેડિયન ચૂંટણી લડી રહેલા ગુજરાતી મૂળના અશોક પટેલે એડમન્ટન ગેટવેમાંથી ઉમેદવારી નોંધાવી છે. મૂળ ઉત્તર ગુજરાત શહેર મહેસાણાના વતની, અશોક પટેલ પહેલીવાર ચૂંટણી લડી રહ્યા છે.
પૂરવ પટેલ, નમસ્કાર ગુજરાત ન્યૂઝ. એડમન્ટન
પૂરવ પટેલ પત્રકારત્વ ક્ષેત્રે 20 વર્ષનો અનુભવ ધરાવે છે અને હાલ કેનેડા સ્થિત છે. તેઓએ ગુજરાતમાં ન્યૂઝ પેપર સહિત ટીવી ન્યૂઝ ચેનલમાં પણ કામ કર્યું છે.
કેનેડામાં ભારતીય ડાયસ્પોરા જીવંત અને વૈવિધ્યસભર છે – પંજાબીઓ અને ગુજરાતીઓથી લઈને બંગાળીઓ અને મલયાલીઓ અલગ અલગ ક્ષેત્રે આગવી ઓળખ ધરાવે છે. જ્યારે ભારતીય-કેનેડિયન સમુદાયમાં મોટાભાગના સ્થળાંતર કરનારાઓ કાં તો વિદ્યાર્થીઓ છે અથવા સ્કિલ્ડ પ્રોફેશ્નલ્સ છે.
એડમન્ટન ગેટવેમાં ક્યા ઉમેદવારો આમને-સામને ?
2025 ફેડરલ ચૂંટણી માટે આ એક નવી રીત છે. 2008, 2011, 2019 અને 2021માં મિલ વુડ્સમાં જીત મેળવ્યા બાદ કન્ઝર્વેટિવ સાંસદ ટિમ ઉપ્પલ આ નવા મતવિસ્તારમાં ચૂંટણી લડી રહ્યા છે. અનુભવી ન્યૂ ડેમોક્રેટ ધારાસભ્ય રોડ લોયોલા લિબરલ્સ માટે ચૂંટણી લડી રહ્યા હતા, પરંતુ શરૂઆતમાં પડોશી દક્ષિણપૂર્વ મતવિસ્તારમાં ચૂંટણી લડવાની યોજના બનાવ્યા બાદ હવે તેઓ અપક્ષ ઉમેદવાર તરીકે બેઠક પરથી ચૂંટણી લડી રહ્યા છે. લિબરલ જેરેમી હોફસ્લૂટ 2019માં યલોહેડમાં પાર્ટીના ઉમેદવાર હતા.
- અશોક પટેલ (અપક્ષ)
- રોડ લોયોલા (અપક્ષ)
- મેડલિન મેયસ (એનડીપી)
- પોલ મેકકોર્મેક (પીપલ્સ પાર્ટી)
- જેરેમી હોફસ્લૂટ (લિબરલ)
- ટિમ ઉપ્પલ (કન્ઝર્વેટિવ)
ચૂંટણીમાં અશોક પટેલે ક્યા મુદ્દાઓ રજૂ કર્યા ?
“અશોકભાઈનો નું ફોકસ છે કે કેનેડા ફર્સ્ટ ,
🏘️ એફોર્ડેબલ હાઉસ
🛡️ – સલામત સમુદાય
💼 – વધુ નોકરીઓ
📈 – આર્થિક વૃદ્ધિ
વધુ માહિતી માટે આપ અશોક પટેલની ઇલેક્શન વેબસાઇટ પર અહીં ક્લિક કરી શકો છો.
કેનેડિયન ચૂંટણીમાં ગુજરાતીઓ શા માટે મહત્વપૂર્ણ છે?
સ્ટેટિસ્ટિક્સ કેનેડાના અહેવાલ મુજબ કેનેડામાં આશરે 87900 થી 90000 ગુજરાતી બોલનારા રહે છે, જેમાં 2016 અને 2021 વચ્ચે 22,935 ઇમિગ્રન્ટ્સનો નોંધપાત્ર પ્રવાહ આવ્યો છે. જોશુઆ પ્રોજેક્ટનો અંદાજ છે કે કેનેડામાં ગુજરાતીઓની વસ્તી લગભગ 285,000 છે, જોકે આ આંકડામાં બીજી પેઢીના વ્યક્તિઓ અને ગુજરાતી વંશના લોકોનો સમાવેશ થઈ શકે છે જેઓ ગુજરાતી ભાષા બોલી શકતા નથી.
પંજાબી અને હિન્દી પછી ગુજરાતી કેનેડામાં ત્રીજી સૌથી વધુ બોલાતી ભારતીય ભાષા બની ગઈ છે. ગુજરાતી મુખ્યત્વે ટોરોન્ટો, વાનકુવર, કેલગરી, મોન્ટ્રીયલ અને એડમન્ટન જેવા શહેરી કેન્દ્રોમાં સ્થિત છે.
આજ સુધી કેનેડિયન ચૂંટણીમાં પંજાબીઓનું વર્ચસ્વ
છેલ્લા બે દાયકામાં, પંજાબીઓ જ રાજકીય ક્ષેત્રમાં પ્રવેશ્યા હતા, પરંતુ 2025માં, ગુજરાતીઓ પદાર્પણ કરી રહ્યા છે. ઓન્ટારિયોમાં બ્રેમ્પટન અને આલ્બર્ટામાં કેલગરી, બંનેમાં ભારતીય-કેનેડિયન વસ્તી નોંધપાત્ર છે, બંને યુદ્ધના શહેરો તરીકે ઉભરી આવ્યા છે કારણ કે ચાર ગુજરાતી મૂળના ઉમેદવારો સંસદીય બેઠકો માટે ચૂંટણી લડી રહ્યા છે.
મોટાભાગના ગુજરાતી મૂળના ઉમેદવારો ફર્સ્ટ જનરેશન ઇમિગ્રન્ટ્સ છે. કેનેડિયન રાજકારણમાં સંખ્યા, પ્રતિનિધિત્વ અને ઇતિહાસની દ્રષ્ટિએ પંજાબીઓ સ્પષ્ટ રીતે આગળ છે – સાંસદોથી લઈને મંત્રીઓ સુધી, કેટલાક કેબિનેટ પદ સુધીના વરિષ્ઠ પદે પંજાબીઓનું જ વર્ચસ્વ છે. આ તરફ ગુજરાતીઓએ દાયકાઓ સુધી પાયાના સ્તરે કામ કર્યું છે, પરંતુ પહેલીવાર એક સાથે ચાર ગુજરાતીઓએ ફેડરલ ઇલેક્શનમાં જંપલાવ્યું છે. જોકે હવે ગુજરાતીઓનો સાહસિક દૃષ્ટિકોણ અને સમુદાય સેવા સાથે પાયો નાખ્યા બાદ ચૂંટણીમાં મુખ્ય ચહેરો બન્યા છે.
28 એપ્રિલ, 2025 ના રોજ યોજાનારી કેનેડાની 45મી ફેડરલ ચૂંટણીમાં ચૂંટણી લડી રહેલા ચાર ગુજરાતી મૂળના ભારતીય-કેનેડિયનોમાં જયેશ બ્રહ્મભટ્ટ, સંજીવ રાવલ, અશોક પટેલ અને મિનેશ પટેલનો સમાવેશ થાય છે.
