સોમવારે સવારે બનેલી ઘટનામાં મોપેડ સવાર 59 વર્ષીય વ્યક્તિનું મોત, ચોરેલી કારમાં સવાર 4 ટીનેજર્સની ધરપકડ
નમસ્કાર ગુજરાત ન્યૂઝ.
એક કિશોર દ્વારા ચલાવવામાં આવેલી ચોરાયેલી કાર દ્વારા કથિત રીતે અથડાતા મોપેડ સવારનું મોત નિપજતાં બ્રિસબેનના વિનમ વિસ્તારમાં રોષની લાગણી પ્રસરી છે. માર્યા ગયેલા વ્યક્તિનું નામ માઈકલ વોરબર્ટન હોવાનું સામે આવ્યું છે. સોમવારે સવારે જ્યારે માઇકલ ઘર તરફ રવાના થઇ રહ્યા હતા ત્યારે ચોરેલી કારમાં કેટલાક ટીનેજર્સ ત્યાંથી ફૂલ સ્પીડમાં 2014ની મોડેલની નિસાન એક્સ ટ્રેલ લઇને પસાર થયા હતા. તેમણે માઇકલને ટક્કર મારી હતી અને ત્યાંથી ફરાર થઇ ગયા હતા. આ ઘટના સવારે 9-20 કલાકે બની હતી. હાલ લોકો ઘટનાસ્થળે પહોંચીને માઇકલને શ્રદ્ધાંજલિ આપી રહ્યા છે.
નિસાન કથિત રીતે વહેલી સવારે નજીકના રેસિડેન્શિયલ એરિયામાંથી ચોરાઇ હતી. વોરબર્ટનનું સોમવારે રાત્રે હોસ્પિટલમાં મૃત્યુ થયું હતું. પોલીસે પ્રારંભિક તપાસ આદરી છે અને ચાર કિશોરો પર આરોપો ઘડી કાઢવામાં આવ્યા છે. અકસ્માતમાં 15 વર્ષના છોકરાનો સમાવેશ થાય છે જે કથિત રીતે નિસાન ચલાવતો હતો. તેના પર મૃત્યુ, ઘરફોડ ચોરી, અકસ્માતના સ્થળ પર રહેવામાં નિષ્ફળતા અને લાઇસન્સ વિના ડ્રાઇવિંગ કરવાનો આરોપ મૂકવામાં આવ્યો છે. હાલ પોલીસે ચારેય આરોપીઓની ધરપકડ કરી લીધી છે. ચારેય શકમંદોને નજીકના સરનામે મળી આવ્યા હતા અને તેમને કસ્ટડીમાં લેવામાં આવ્યા હતા. અન્ય બે કિશોરો, એક 15 વર્ષીય છોકરો અને 15 વર્ષની છોકરી, પર ગેરકાયદેસર રીતે મોટર વાહનનો ઉપયોગ કરવાનો આરોપ છે. તેઓને બ્રિસ્બેન ચિલ્ડ્રન્સ કોર્ટ સમક્ષ હાજર થશે.
પોલીસે જણાવ્યું હતું કે મોટરસાયકલ સવાર સોમવારે સવારે એક સામાજિક કાર્યક્રમમાંથી ઘરે જઈ રહ્યો હતો ત્યારે નિસાન કથિત રીતે રોડની ખોટી બાજુએ આવીને સ્કૂટર સાથે અથડાઈ હતી. ઇન્સ્પેક્ટર લિન્ડસે કિલપેટ્રિકે કહ્યું કે તે “દુ:ખદ” ઘટના હતી અને નિસાન અને સ્કૂટર બંનેને ખરાબ રીતે નુકસાન થયું હતું. હાલ 59 વર્ષીય માઇકલના પરિવારને મદદ કરવા માટે ગો ફંડ પર ભંડોળ એકઠું કરવામાં આવી રહ્યું છે.
