30-ટનની ડ્રીલ રીગ 25 મીટરના ખાડામાં ક્લોનકરી નજીક ડુગાલ્ડ નદીની ખાણમાં અકસ્માત, ઓપરેટર પણ ગંભીર રીતે ઘાયલ
આઉટબેક ક્વીન્સલેન્ડમાં ભૂગર્ભ ખાણ (Mines) સાઇટ પરના ખાડામાં પડ્યા પછી ગુમ થયેલા બે ખાણિયાઓની ભયાવહ શોધ કરવા માટે ડ્રોનનો ઉપયોગ કરવામાં આવી રહ્યો છે. આઉટબેક ક્વીન્સલેન્ડમાં ખાણકામના અકસ્માત બાદ બે વર્કર્સ માટે બચાવ કામગીરી ચાલી રહી છે. 30-ટનની ડ્રીલ રીગ 25 મીટરના ખાડામાં ક્લોનકરી નજીક ડુગાલ્ડ નદીની ખાણમાં પડી ગયા બાદ બે કામદારો ગુમ થયાની જાણ કરવામાં આવી હતી, જે માઉન્ટ ઇસાના લગભગ એક કલાક દૂર પૂર્વ દિશામાં છે. ડ્રિલ રીગ એક કાર્યકર દ્વારા સંચાલિત કરવામાં આવી રહી હતી જે પણ ખાડામાં પડી ગયો હતો અને ઘાયલ થયો હતો.
MMG લિમિટેડના જનરલ મેનેજર ટિમ એક્રોયડે બુધવારે બપોરે એક નિવેદન આપ્યું હતું. તેમણે કહ્યું કે આ ઘટના સપાટીથી 125 મીટર નીચે બની હતી અને કટોકટીના ક્રૂ બચાવ સેવાઓ મોકલતા પહેલા પર્યાવરણની સ્થિરતાની તપાસ કરવા માટે ડ્રોન ટેક્નોલોજીનો ઉપયોગ કરી રહ્યા હતા. “અમે અપેક્ષા રાખીએ છીએ કે જ્યારે અમે એકત્રિત કરવામાં આવેલા ડેટાનું એનાલિસીસ કરી શકીએ અને આગળના પગલાઓ માટે આરામદાયક હોઈએ ત્યારે બચાવ ટીમો તેમની કામગીરી શરૂ કરે.” આ ઘટનાનું કારણ શું છે તે નક્કી કરવા માટે સંપૂર્ણ તપાસ હાથ ધરવામાં આવશે.”
જોકે હાલ ખડકો અને માટીને સાફ કરવા માટેના મોટા ઓપરેશનમાં કલાકો લાગવાની અપેક્ષા હતી. પેરામેડિક્સ સહિતની ઇમરજન્સી સેવાઓ ઘટના સ્થળે પહોંચી હતી. ક્વીન્સલેન્ડ એમ્બ્યુલન્સ સર્વિસે આ ઘટનાને “ગ્રાઉન્ડ કોલેપ્સ” તરીકે વર્ણવી હતી. ખાણના માલિક, MMG, ના જણાવ્યું હતું કે સાઇટ પર કામ કરતા બે બાર્મિંકોના કર્મચારીઓ છે. કંપનીએ એક નિવેદનમાં જણાવ્યું હતું કે, “સાઇટનો કટોકટી પ્રતિસાદ સક્રિય કરવામાં આવ્યો છે અને શોધ અને બચાવ પ્રયાસોમાં મદદ કરવા માટે બાર્મિન્કો અને સત્તાવાળાઓ સાથે મળીને કામ કરી રહ્યું છે.” હાલ “દુગાલ્ડ નદી પર કામગીરી અટકાવી દેવામાં આવી છે જ્યારે શોધ ચાલી રહી છે.
