આતંકવાદી સંગઠન અલ-કાયદાએ ઈઝરાયેલ-હમાસ યુદ્ધ પર અમેરિકાના વલણને લઈને ઉદ્યોગપતિ ઈલોન મસ્ક, બિલ ગેટ્સ અને સત્ય નડેલાની હત્યા કરવાની અને અમેરિકી અર્થવ્યવસ્થાને નિશાન બનાવવાની ધમકી આપી છે.
ઇન્ટેલિજન્સ ટીમ (OSINT) એ અલ-કાયદા સાથે સંકળાયેલા ચેટરૂમના સંદેશાઓની સમીક્ષા કરી, જેમાં જાણવા મળ્યું કે આતંકવાદી સંગઠને તેના સમર્થકોને યુએસ, યુકે અને ફ્રેન્ચ કંપનીઓ દ્વારા સંચાલિત ફ્લાઇટ્સ પર હુમલો કરવાની અપીલ કરી છે.
આ યાદીમાં અમેરિકન એરલાઇન્સ, કોન્ટિનેન્ટલ, ડેલ્ટા, બ્રિટિશ એરવેઝ, એર ફ્રાન્સ અને એર ફ્રાન્સ-કેએલએમનો સમાવેશ થાય છે.
અલ-કાયદાની મીડિયા શાખા, અલ-મલાહેમે જણાવ્યું હતું કે ગાઝામાં તેના હુમલાઓને સમર્થન આપવા માટે યુ.એસ. અને તેના સાથી દેશોને ઇઝરાયેલ દ્વારા નિશાન બનાવવામાં આવી રહ્યા છે, જેમાં 20,000 થી વધુ લોકો માર્યા ગયા છે.
બીજી વિડિયો ક્લિપમાં, સંગઠને પેલેસ્ટાઈનના સમર્થનમાં ‘ઓપન-સોર્સ જેહાદ’ માટે હાકલ કરી હતી અને બોમ્બ બનાવવા માટે વૈશ્વિક સ્તરે મહત્વાકાંક્ષી મુજાહિદ્દીન માટે માર્ગદર્શિકા પ્રદાન કરી હતી.
આતંકવાદીઓના નિશાના પર એલોન મસ્ક, બિલ ગેટ્સ અને યુએસ ફેડરલ રિઝર્વના ભૂતપૂર્વ અધ્યક્ષ બેન બર્નાન્કે છે.
બેન બર્નાન્કે એક યહૂદી છે અને અમેરિકન અર્થતંત્ર અને શેરબજાર પર તેમનો નોંધપાત્ર પ્રભાવ છે.
વીડિયોમાં બિલ ગેટ્સનું માઇક્રોસોફ્ટમાં તેમના કાર્યકાળ દરમિયાનનું જૂનું ભાષણ બતાવવામાં આવ્યું છે.
આ જ વીડિયોમાં ભારતીય મૂળના વર્તમાન સીઈઓ સત્ય નડેલા અને ભૂતપૂર્વ સીઈઓ સ્ટીવ બાલ્મરને નિશાન બનાવવા માટે પ્રોત્સાહિત કરવામાં આવ્યા હતા.
