એડિલેડ સ્ટારઇકર્સે આપ્યો હતો 139 રનનો ટાર્ગેટ, ટી20 ફોર્મેટમાં આ સૌથી ઓછો સ્કોર, હેનરી થોર્ન્ટને 5 અને વેસ એગરે 4 વિકેટ લીધી, શોર્ટના ફાળે 1 વિકેટ
બિગ બેશ લીગ, સિડની થંડર્સઃ ઓસ્ટ્રેલિયામાં રમાયેલી બિગ બેશ લીગમાં આજે એડિલેડ સ્ટ્રાઈકર્સના બોલરોએ મોટો ઈતિહાસ રચી દીધો છે. હકીકતમાં, સ્ટ્રાઈકર્સના બોલરોએ શાનદાર પ્રદર્શન કરતા સિડની થંડર્સને માત્ર 15 રનમાં ઓલઆઉટ કરી દીધું હતું. ટી20 ફોર્મેટમાં આ સૌથી નાનો સ્કોર છે.
એડિલેડ સ્ટ્રાઇકર્સના બોલરોનો તરખાટ
આ મેચમાં એડિલેડ સ્ટ્રાઈકર્સે ટોસ જીતીને પ્રથમ બેટિંગ કરતા 139 રન બનાવ્યા હતા. પ્રથમ દાવ પછી બધાને લાગ્યું કે સિડની થંડર્સ આ મેચ ખૂબ જ સરળતાથી જીતી જશે. જો કે, આવું બિલકુલ ન થયું અને બીજી ઇનિંગમાં એડિલેડ સ્ટ્રાઈકર્સના ફાસ્ટ બોલર હેનરી થોર્ટન અને બેસ અગરે શાનદાર બોલિંગ કરી અને સમગ્ર સિડની થંડર ટીમને માત્ર 15 રનમાં ઓલઆઉટ કરી દીધી. બંને ફાસ્ટ બોલરોએ મળીને 9 વિકેટ ઝડપી હતી.
T20 ફોર્મેટમાં સૌથી ઓછો સ્કોર
માત્ર 15 રનમાં ઓલઆઉટ થઈને સિડની થંડર્સે એક ખૂબ જ શરમજનક રેકોર્ડ પોતાના નામે કરી લીધો છે. વાસ્તવમાં, આ T20 ફોર્મેટમાં સૌથી ઓછો સ્કોર છે. આ મેચમાં સિડની થંડર્સની ટીમ પ્રથમ પાવરપ્લે સુધી પણ ટકી શકી ન હતી અને આખી ટીમ માત્ર 5.5 ઓવરમાં ઓલઆઉટ થઈ ગઈ હતી.
15 રન – સિડની થંડર્સ વિરુદ્ધ એડિલેડ સ્ટ્રાઈકર્સ (2022)
21 રન – તુર્કી વિ ચેક રિપબ્લિક (2019)
26 રન – લેસોથો વિ યુગાન્ડા (2021)
28 રન – તુર્કી વિ લક્ઝમબર્ગ (2019)
