કેસી ઓક્સ નામનો વ્યક્તિ હજુ પણ ફરાર, ઓક્સની બોટમાં જ 8 લોકો ગેરકાયદે અમેરિકાની બોર્ડર ક્રોસ કરતા મોતને ભેટ્યા હતા
ગયા અઠવાડિયે સેન્ટ લોરેન્સ નદીમાંથી 4 ગુજરાતી સહિત 8 લોકોનાં મૃતદેહો જે બોટ પાસેથી મળી આવ્યા હતા તેના માલિકને હજુપણ પોલીસ પકડી શકી નથી. મૃતદેહો જ્યાંથી મળી આવ્યા હતા ત્યાં હજુ પણ ગુમ થયેલા એકવેસાસ્ને શંકાસ્પદ વ્યક્તિ 30 વર્ષીય કેસી ઓક્સ કોઇ ભાળ મળી નથી. પોલીસે જણાવ્યું હતું કે આઠ પીડિતોમાં બે પરિવારનો સમાવેશ થાય છે, જેમાં એક રોમાનિયન અને બીજો ગુજરાતી મૂળનો હતો.
સત્તાવાળાઓએ જણાવ્યું હતું કે તેઓ કથિત રૂપે કેનેડાથી અકવેસાસ્ને મોહૌક ટેરિટરી દ્વારા ગેરકાયદેસર રીતે યુનાઇટેડ સ્ટેટ્સમાં પ્રવેશવાનો પ્રયાસ કરી રહ્યા હતા, જે પ્રાંતીય અને આંતરરાષ્ટ્રીય સીમાઓથી ઘેરાયેલા છે અને તેમાં ક્યુબેક, ઑન્ટારિયો અને ન્યુ યોર્ક રાજ્યનો સમાવેશ થાય છે.
30મી માર્ચથી કેસી ઓક્સ થઇ ગયો છે ગુમ
કેસી ઓક્સ, 30 માર્ચ, 2023 ના રોજ ગુમ થયાની જાણ કરવામાં આવી હતી. તેને છેલ્લે બુધવાર, 29 માર્ચ, 2023 ના રોજ, આશરે 9:30 વાગ્યે, કોર્નવોલના પૂર્વ છેડેથી પ્રસ્થાન કરી રહેલા નાના, આછા વાદળી રંગના જહાજમાં સવાર થતાં જોવા મળ્યો હતો. તેણે બ્લેક વેસ્ટ, સ્નો પેન્ટ, બ્લેક ફેસ માસ્ક અને બ્લેક ટોક પહેર્યો હતો. નોંધનીય છે કે કેસી ઓક્સ દ્વારા સંચાલિત વર્ણન સાથે મેળ ખાતું એક જહાજ આઠ મૃત વ્યક્તિઓના સ્થાનની નજીક સ્થિત હતું અને આ બોટ પરથી કપડાની વસ્તુઓ પણ મળી આવી છે જે કેસી ઓક્સના છે.
ફ્રેન્ચ ટોક શોમાં રવિવારે હાજરી દરમિયાન, વડા પ્રધાન જસ્ટિન ટ્રુડોએ જણાવ્યું હતું કે તેમની સંવેદના દુર્ઘટનાથી પ્રભાવિત લોકો સાથે છે, અને તેઓ લોકોને ગેરકાયદે રીતે સરહદ પાર કરવા અને જોખમથી દૂર રહેવા અપીલ કરે છે.
