શ્રીદેવીની છઠ્ઠી પુણ્યતિથિ ઉપર સ્વર્ગસ્થ માતા શ્રીદેવીને યાદ કરીને પુત્રી ખુશી કપૂરે બહેન જ્હાન્વી અને પોતાની તેમજ મમ્મી શ્રીદેવી સાથેની બાળપણની સુંદર તસવીર પોતાના ઈન્સ્ટાગ્રામ પર શેર કરી છે.
ફોટામાં દિવંગત અભિનેત્રી પીકોક બ્લુ સાડીમાં જોવા મળી રહી છે. તેણીએ તેના વાળ એક બનમાં બાંધ્યા છે, જેમાં સિંદૂર અને બે નોઝ પીન છે, અભિનેત્રી ખૂબ જ સુંદર લાગી રહી છે અને તેના ચહેરા પર ચમકતું સ્મિત પણ જોવા મળે છે.
ફોટોમાં બેબી જ્હાન્વી કપૂર અને બેબી ખુશી કપૂર પણ ગુલાબી ડ્રેસમાં સુપર ક્યૂટ દેખાઈ રહી છે અને તે સ્મિત ફેલાવી રહી છે.
આ તસવીર જોઈને દિવંગત શ્રીદેવીના ચાહકો તેને યાદ કરીને ખૂબ જ ભાવુક થઈ રહ્યા છે.
અત્રે ઉલ્લેખનીય છે કે તા.24 ફેબ્રુઆરી 2018ના રોજ શ્રીદેવીનું અચાનક નિધન થતાં દેશભરમાં તેમના ચાહકોને વજ્રાઘાત લાગ્યો હતો. 2018માં શ્રીદેવીનું દુબઈની હોટલમાં બાથટબમાં ડૂબી જતાં મોત થયું હતું. શ્રીદેવીનું નિધન થતાં ખુશી અને જ્હાન્વી કપૂરે માતાની છત્રછાયા ગુમાવી છે.
