મુસવાલા હત્યા કેસમાં ધરપકડ કરાયેલા શૂટરે મોટો ખુલાસો કર્યો છે, સિદ્ધુ મુસેવાલાના મૃત્યુ બાદ સલમાન ખાનનો જીવ જોખમમાં , સુરક્ષામાં કરાયો છે વધારો
નમસ્કાર ગુજરાત ન્યૂઝ.
બોલિવૂડ એક્ટર સલમાન ખાન આજકાલ હેડલાઈન્સનો હિસ્સો બને છે. તેમની પરેશાનીઓ ઓછી થવાનું નામ નથી લઈ રહી. પંજાબી સિંગર સિદ્ધુ મુસેવાલાના મોત બાદ સલમાન ખાનનો જીવ જોખમમાં છે. સલમાનને જાનથી મારી નાખવાની ધમકીઓ મળી હતી. જે બાદ તેની સુરક્ષા વધારી દેવામાં આવી હતી. હાલમાં જ સિદ્ધુ મુસેવાલા મર્ડર કેસમાં ધરપકડ કરાયેલા શૂટરે ખુલાસો કર્યો છે કે સલમાન ખાન ગેંગસ્ટર્સના નિશાના પર છે. પંજાબના ડીજીપી ગૌરવ યાદવે આ જાણકારી આપી છે.
સલમાન ખાનની સુરક્ષામાં વધારો
સિદ્ધુ મુસેવાલા કેસમાં ધરપકડ કરાયેલા છઠ્ઠા શૂટર કપિલ પંડિતે પૂછપરછમાં ખુલાસો કર્યો છે કે લોરેન્સ બિશ્નોઈએ તેને સલમાન ખાનને રિસીંગ કરવાનું કામ સોંપ્યું હતું. સલમાન ખાનની સુરક્ષાનું ખાસ ધ્યાન રાખવામાં આવી રહ્યું છે. તેમનું વાહન પણ અપગ્રેડ કરવામાં આવ્યું છે. તેઓ બુલેટપ્રૂફ સફેદ કારમાં ફરતા હોય છે. એટલું જ નહીં, સલમાનને બંદૂક રાખવાનું લાયસન્સ પણ અપાયું છે. સલમાનના સેટ પર ગાર્ડ પણ વધારી દેવામાં આવ્યા છે. હવે સલમાન સાથે હંમેશા ઘણા ગાર્ડ હોય છે.
વર્કફ્રન્ટની વાત કરીએ તો સલમાન ખાન તેલુગુ ફિલ્મ ‘ગોડ ફાધર’માં જોવા મળશે.આ ફિલ્મમાંથી સલમાનનો લુક પણ સામે આવ્યો છે. આ ફિલ્મમાં સલમાન લાંબા વાળમાં જોવા મળશે. થોડા સમય પહેલા તેણે આ ફિલ્મના ટાઈટલની જાહેરાત કરી હતી.
