એજબેસ્ટન ટેસ્ટમાં ભારતીય વિકેટ કીપર બેટ્સમેન રિષભ પંતે 111 બોલમાં 20 ચોગ્ગા અને 4 છગ્ગાની મદદથી 146 રન બનાવ્યા હતા. આ સાથે જ રવિન્દ્ર જાડેજાએ 104 રનની ઇનિંગ રમી હતી.
નમસ્કાર ગુજરાત ન્યૂઝ
ભારતીય વિકેટ કીપર બેટ્સમેન ઋષભ પંતે (Rishabh Pant) ઈંગ્લેન્ડ વિરુદ્ધ એજબેસ્ટન ટેસ્ટ (Edgebaston Test)માં શાનદાર ઈનિંગ રમી હતી. તેણે 111 બોલમાં 20 ચોગ્ગા અને 4 છગ્ગાની મદદથી 146 રન બનાવ્યા હતા. ભારતના 5 બેટ્સમેન 98 રનના સ્કોર પર પેવેલિયન પરત ફર્યા હતા, પરંતુ ઋષભ પંત અને રવિન્દ્ર જાડેજા (Ravindra Jadeja)એ ઇનિંગને સંભાળી લીધી હતી. બંને ખેલાડીઓએ સદી ફટકારી હતી. રવિન્દ્ર જાડેજાએ 104 રન બનાવ્યા હતા. હવે પાકિસ્તાનના પૂર્વ ખેલાડી રાશિદ લતીફે (Rashid Latif) ઋષભ પંત પર મોટું નિવેદન આપ્યું છે.
પાકિસ્તાનના ભૂતપૂર્વ ખેલાડી રાશિદ લતીફે રિષભ પંતની તુલના મહાન બેટ્સમેન બ્રાયન લારા સાથે કરી હતી. તેણે કહ્યું, ઋષભ પંત વિકેટકીપરનો બ્રાયન લારા છે, જ્યારે રિષભ પંત બેટિંગ કરે છે, તે દરમિયાન તેની ઝલક જોવા મળે છે. તેણે આગળ કહ્યું, ‘મેં પહેલેથી જ કહ્યું હતું કે રિષભ પંત વિકેટકીપરનો બ્રાયન લારા છે. જ્યારે પંત રમે છે ત્યારે પગની હલનચલન વધારે હોતી નથી, તે માત્ર થોડો જ આગળ વધે છે અને જ્યાં પણ હોય ત્યાં ખૂબ જ ઝડપથી બોલ ઉપાડે છે.
‘રિષભ પંત ઈંગ્લેન્ડની ફિલ્ડિંગ સાથે રમ્યો’
રાશિદ લતીફે કહ્યું કે ઋષભ પંતે આ શાનદાર ઇનિંગ દરમિયાન બોલને તેની પાસે વધુ પડતો આવવા દીધો. તેણે ઝડપી બોલરો સામે મિડવિકેટ પર બે-ત્રણ શોટ રમ્યા, તે શોટ પ્રશંસનીય હતા. તેણે કહ્યું કે ભારતીય વિકેટકીપર બેટ્સમેન ઈંગ્લેન્ડની ફિલ્ડિંગ સાથે રમ્યો અને પોતાની મરજીથી મુક્તપણે રન બનાવ્યા. તેણે વધુમાં કહ્યું કે જ્યારે રિષભ પંત બેટિંગ કરવા આવ્યો હતો. તે સમયે ઈંગ્લેન્ડના લગભગ તમામ ફિલ્ડરો અંદર ઉભા હતા, પરંતુ રિષભ પંતે ડર્યા વિના તેનો ફાયદો ઉઠાવ્યો.
