ક્વિન્સલેન્ડમાં વર્ષ 2022માં અનેક માર્ગ અકસ્માતમાં સૌથી વધુ લોકો મોતને ભેટતા સરકારનો નિર્ણય
ક્વિન્સલેન્ડની લેબર સરકાર દ્વારા પ્રસ્તાવિત સલામતીનાં પગલાં હેઠળ જ્યારે પણ વ્હિકલ લાઇસન્સ હોલ્ડર્સ રિન્યુઅલ માટે આવશે ત્યારે ક્વીન્સલેન્ડર્સને રોડ રૂલ્સ ટેસ્ટમાં ફરીથી બેસવાની ફરજ પડી શકે છે. કારણ કે મુખ્ય માર્ગ અને પરિવહન પ્રધાન માર્ક બેઇલીએ સોમવારે જાહેર કર્યું કે આશ્ચર્યજનક ક્વિઝ એ ઘણી દરખાસ્તોમાંની એક છે જે સરકાર ટ્રાયલિંગ પર ધ્યાન આપી રહી છે. માત્ર આટલું જ નહીં પરંતુ હાઇ સ્પિડિંગ માટે “તાત્કાલિક” લાઇસન્સ સસ્પેન્શનની સાથે અને રાજ્યભરમાં માર્ગ સલામતી રોકાણમાં $216m કરતાં વધુનું રોકાણ કરશે.
- સૂચિત પરીક્ષા ઓનલાઈન રિફ્રેશર કોર્સ હશે
- રોડ સેફ્ટી રાઉન્ડ ટેબલ કોન્ફરન્સમાં સૂચવેલા પગલાં પૈકીનો એક નિર્ણય
- ગત વર્ષે માર્ગ અકસ્માતમાં 299 લોકોનાં જીવ ગયા
આ વર્ષની શરૂઆતમાં રાજ્ય સરકાર દ્વારા આયોજિત માર્ગ સલામતી રાઉન્ડ ટેબલ દરમિયાન પગલાંની ચર્ચા કરવામાં આવી હતી. ગયા વર્ષે ક્વીન્સલેન્ડના રસ્તાઓ પર લગભગ 300 લોકો મૃત્યુ પામ્યા હતા. જે 2012 બાદ સૌથી વધુ મોતનો આંકડો છે. “અમે 2023 માં અમારા રસ્તાઓ પર વર્ષની વધુ સારી શરૂઆત કરવા જઈ રહ્યા છીએ પરંતુ અમે જાણીએ છીએ કે તે કેટલી ઝડપથી બદલાઈ શકે છે,” મિસ્ટર બેઇલીએ આજે પ્રેસ કોન્ફરન્સ દરમિયાન જણાવ્યું હતું.
મિસ્ટર બેઇલીએ જણાવ્યું હતું કે રાઉન્ડ ટેબલ પર ઉભરતી થીમ્સમાંની એક ડ્રાઇવર પ્રશિક્ષણની પણ હતી -જેમાં “રોડ રૂલ રિફ્રેશર” ની સંભવિતતા વધારવા પર ભાર મૂકવામાં આવ્યો હતો. સરકાર દ્વારા ધ્યાનમાં લેવાના 10 પગલાંની અધિકૃત યાદીમાંની એક આઇટમ એ સુનિશ્ચિત કરવાનું સૂચન છે કે ડ્રાઇવરો રસ્તાના નિયમોમાં અદ્યતન છે અને રસ્તાના નિયમોમાં ફેરફાર અને સલામતીના મુદ્દાઓ પર “સંલગ્ન” સામગ્રી વિકસાવીને અને ટ્રાયલ કરવાની જરૂરિયાત હોવાનું લાગી રહ્યું છે. જેથી તેને આને ઓનલાઈન લાઇસન્સ રિન્યુઅલની પ્રક્રિયામાં સામેલ કરી શકાય છે.
ચર્ચા કરાયેલા અન્ય પગલાંમાં હાઇ રેન્જ સ્પિડિંગ ગુનાઓના કેસમાં લાયસન્સ તાત્કાલિક સસ્પેન્ડ કરવું અને મોબાઈલ ફોનનો ઉપયોગ અને રસ્તાઓ પર ટેઈલગેટિંગ જેવા ખતરનાક વર્તણૂકોને ઓળખવા અને લક્ષ્યાંકિત કરવા માટે નવી ટેક્નોલોજીનો પ્રયોગ કરવામાં પણ સરકાર આગામી પગલા લેશે.
અન્યમાં રાજ્યભરના યુવાનો માટે લર્નર લાયસન્સ અભ્યાસક્રમો અને માર્ગ સલામતી કાર્યક્રમોનો સમાવેશ થાય છે. ગયા વર્ષે ક્વીન્સલેન્ડના રસ્તાઓ પર આશ્ચર્યજનક રીતે 299 લોકોના મોત થયા હતા – 2012 પછીની સૌથી વધુ સંખ્યા હતી, જ્યારે રાજ્યભરમાં જીવલેણ અકસ્માતોમાં 280 લોકોએ પોતાનો જીવ ગુમાવ્યો હતો.
ડિપાર્ટમેન્ટ ઓફ ટ્રાન્સપોર્ટ એન્ડ મેઈન રોડ્સ (TMR) દ્વારા તૈયાર કરાયેલા રિપોર્ટમાં જાણવા મળ્યું છે કે આ વર્ષે અત્યાર સુધીમાં ક્વીન્સલેન્ડના રસ્તાઓ પર અત્યાર સુધીમાં 60 લોકોના મોત થયા છે. તે સંખ્યા પાછલા વર્ષના સમાન સમયગાળા કરતા 20 ટકા ઓછી છે, જ્યાં ચાર મહિનામાં જીવલેણ અકસ્માતોમાં 75 લોકો મૃત્યુ પામ્યા હતા.
