ગણતરીના કલાકોમાં જ ટીઝરને 8 મીલીયન વ્યુઝ મળ્યા
અલ્લુ અર્જુને તેના જન્મદિવસ પહેલા ચાહકોને આશ્ચર્યચકિત કર્યા, પુષ્પા 2 નું ટીઝર રિલીઝ
અલ્લુ અર્જુનની શ્રેષ્ઠ ફિલ્મ પુષ્પાએ બોક્સ ઓફિસ પર ઘણી કમાણી કરી હતી. દર્શકોને આ ફિલ્મ ખૂબ પસંદ આવી હતી. ફિલ્મને દરેક ભાષામાં દર્શકોનો પ્રેમ મળ્યો. પુષ્પાના પહેલા ભાગ બાદ હવે આ ફિલ્મના મેકર્સ તેનો બીજો ભાગ ટૂંક સમયમાં દર્શકો સામે લાવવા જઈ રહ્યા છે. આવતીકાલે એટલે કે 8મી એપ્રિલે અલ્લુ અર્જુન પોતાનો જન્મદિવસ ઉજવવા જઈ રહ્યો છે. આના એક દિવસ પહેલા મેકર્સે પુષ્પા ધ રૂલનું ટીઝર રિલીઝ કર્યું છે. તમને જણાવી દઈએ કે ડિસેમ્બર 2021માં રિલીઝ થયેલી ફિલ્મ પુષ્પાને સાઉથના દર્શકો તેમજ હિન્દી સિનેમાપ્રેમીઓએ ખૂબ વખાણી હતી.
પુષ્પા ફિલ્મ સુકુમારના નિર્દેશનમાં બની છે. આ ફિલ્મમાં અલ્લુ અર્જુન એક એવા પાત્રમાં જોવા મળ્યો હતો જે એકદમ નીડર અને બોલ્ડ છે. તે લાલ ચંદનની દાણચોરી કરે છે અને તેના દ્વારા તે ધીમે ધીમે આગળ વધે છે. આ ફિલ્મના અંતમાં કહેવામાં આવ્યું હતું કે પુષ્પાની વાર્તા અહીં પૂરી નથી થતી. જ્યારે પહેલો ભાગ પુષ્પાના ઉદયની વાર્તા કહે છે, જ્યારે ફિલ્મનો બીજો ભાગ પુષ્પાના શાસનની વાર્તા બતાવશે. સોશિયલ મીડિયા પર પુષ્પા 2 વિશે ઘણા સમયથી ક્રેઝ હતો.
હવે ચાહકોની રાહનો અંત લાવતા નિર્માતાઓએ પુષ્પાના બીજા ભાગનું ટીઝર પણ રિલીઝ કર્યું છે. આ ટીઝર 20 સેકન્ડનું છે. આ ટીઝરમાં બતાવવામાં આવ્યું છે કે પુષ્પા તિરુપતિ જેલમાંથી ફરાર છે, પરંતુ તેના ઠેકાણા વિશે કોઈને કંઈ ખબર નથી. પુષ્પા 2 એ અલ્લુ અર્જુનની આગામી પાન ઈન્ડિયા ફિલ્મ હશે. ફિલ્મના પહેલા ભાગ એટલે કે પુષ્પા ધ રાઇઝે બોક્સ ઓફિસ પર 350 કરોડથી વધુનો બિઝનેસ કર્યો હતો. આ ફિલ્મમાં અલ્લુ અર્જુન સાથે રશ્મિકા મંદન્ના લીડ રોલમાં હતી. બીજા ભાગમાં પણ તે અલ્લુ અર્જુનની લેડી લવ હશે.
