મેડિકલ ચેક અપ બાદ જેલવાસ શરુ
પંજાબ કોંગ્રેસના પૂર્વ અધ્યક્ષ નવજોત સિંહ સિદ્ધુએ 34 વર્ષ જૂના રોડ રેજ કેસમાં આજે પટિયાલા સેશન્સ કોર્ટમાં સરેન્ડર કર્યું છે. તે જ સમયે, સિદ્ધુના સરેન્ડર પછી, પંજાબ પોલીસ તેને કોર્ટથી જેલ લઈ જવા માટે પોલીસ વાહન સાથે પહોંચી ગઈ છે. તેમને સુપ્રીમ કોર્ટે 1 વર્ષની સખત કેદની સજા ફટકારી છે.
સિદ્ધુના સરેન્ડર બાદ પોલીસ તેને કસ્ટડીમાં લઈને જેલમાં લઈ જઈ રહી છે. રસ્તામાં સિદ્ધુને પટિયાલાની માતા કૌશલ્યા સરકારી હોસ્પિટલમાં મેડિકલ ચેકઅપ બાદ જેલમાં લઈ જવામાં આવશે. અગાઉ તેમણે સુપ્રીમ કોર્ટને રોડ રેજ કેસમાં આત્મસમર્પણ માટે સમય આપવાની વિનંતી કરી હતી.
પંજાબમાં કોંગ્રેસના નેતાઓએ સિદ્ધુનો સાથ છોડી દીધો હતો. જોકે હવે કોંગ્રેસ નેતા પ્રિયંકા ગાંધીએ જ સિદ્ધુને ફોન કર્યો છે. તેમણે સિદ્ધુને ફોન કરીને આશ્વાસન આપ્યું છે કે કોંગ્રેસ તેમની સાથે છે. તેમણે સિદ્ધુને મજબુત રહેવા માટે આશ્વાસન આપ્યું છે. સિદ્ધુને કોંગ્રેસમાં પ્રિયંકા ગાંધીના નજીકના વ્યક્તિ કહેવામાં આવે છે.
