વેલ્સની રાજકુમારી કેટ મિડલટને કહ્યું છે કે તેને કેન્સર છે અને તે કીમોથેરાપી કરાવી રહી છે.
શુક્રવારે પ્રસારિત થયેલા એક વીડિયોમાં તેની તબિયત સંબંધી અહેવાલ સામે આવ્યા છે.
આ વીડિયો બુધવારે રેકોર્ડ કરવામાં આવ્યો હતો.
તમને જણાવી દઈએ કે આ વીડિયો એવા સમયે સામે આવ્યો છે જ્યારે સોશિયલ મીડિયા પર તેના ઠેકાણા અને સ્વાસ્થ્યને લઈને કેટલાય અઠવાડિયાથી અટકળો ચાલી રહી હતી.
તેણીને પેટની સર્જરી માટે જાન્યુઆરીમાં હોસ્પિટલમાં દાખલ કરવામાં આવી હતી, પરંતુ આ સર્જરી વિશે ક્યારેય સ્પષ્ટપણે કંઈપણ કહેવામાં આવ્યું ન હતું.
કેટે અજાણ્યા પ્રકારના કેન્સરની સારવાર દરમિયાન લોકોને તેમની ગોપનીયતાનો આદર કરવા હાકલ કરી હતી.
–ક્રિસમસ પછી જોવામાં આવી ન હતી.
કેટે કહ્યું, ‘હું ઠીક છું.’ હું એવી વસ્તુઓ પર ધ્યાન કેન્દ્રિત કરી રહી છું જે મારા રોગને મટાડવામાં મદદ કરશે અને આ રીતે હું દરરોજ મજબૂત બની રહી છું.’ 42 વર્ષીય કેટ ક્રિસમસથી જાહેરમાં જોવા મળી નથી.
આ અઠવાડિયે, એક વિડિયો સામે આવ્યો જેમાં તે તેના પતિ પ્રિન્સ વિલિયમ સાથે તેના વિન્ડસરના નિવાસસ્થાન પાસે જતી જોવા મળી રહી છે.
કેટની બીમારીના સમાચાર સામે આવ્યા બાદ તેના પતિના નાના ભાઈ પ્રિન્સ હેરી અને તેની પત્ની મેગન માર્કલે તેને વહેલી તકે સ્વસ્થ થવાની શુભેચ્છા પાઠવી હતી.
તેણે પોતાના સંદેશમાં કહ્યું છે કે તે કેટ જલ્દીથી જલ્દી સ્વસ્થ થઈ જાય તેવી ઈચ્છા કરે છે.
–વિલિયમ અને કેટના લગ્ન 2011માં થયા હતા
તમને જણાવી દઈએ કે કેટ મિડલટન જે હવે પ્રિન્સેસ ઑફ વેલ્સ કેથરિન એલિઝાબેથ તરીકે ઓળખાય છે તે બ્રિટનના પ્રિન્સ વિલિયમની પત્ની છે. પ્રિન્સ વિલિયમ બ્રિટિશ સિંહાસનના વારસદારોમાં પ્રથમ છે. કેથરિન અને વિલિયમના લગ્ન 29 એપ્રિલ 2011ના રોજ થયા હતા અને તેમના ત્રણ બાળકો છે, જ્યોર્જ, કેરોલિન અને લેવિસ.
તમને જણાવી દઈએ કે કેથરિન 20 થી વધુ ચેરિટેબલ અને સૈન્ય સંસ્થાઓની સંરક્ષક છે.
પ્રિન્સેસ ઓફ વેલ્સના કેન્સરના સમાચાર તેના ચાહકો માટે ચોક્કસપણે એક મોટો આંચકો છે
