ટીમને પીએમ મોદીએ પૂછયું ક્યારે લાગ્યું કે ચેમ્પિયન બની શકશો?
નમસ્કાર ગુજરાત ન્યૂઝ
ભારતીય બેડમિન્ટન ટીમે આજે એટલે કે રવિવારે ઈતિહાસ રચ્યો છે. ટીમ ઈન્ડિયાએ પ્રથમ વખત થોમસ કપનો ખિતાબ જીત્યો છે. થોમસ કપના 73 વર્ષના ઈતિહાસમાં પ્રથમ વખત ભારત વિજેતા તરીકે ઉભરી આવ્યું છે.
ફોન પર વાત કરતા વડાપ્રધાને ખેલાડીઓને કહ્યું, “તમે અદ્ભુત કામ કર્યું છે. આ ભારતની શ્રેષ્ઠ જીત છે.” કિદામ્બી શ્રીકાંતને વિશેષ અભિનંદન આપતાં તેણે કહ્યું કે તમે એક પણ મેચ હારી નથી. આ સાથે તેણે યુવાન લક્ષ્ય સેનને પાછા ફરવા પર તેને અલ્મોડાથી મીઠાઈ ખવડાવવા કહ્યું. જ્યારે પીએમ મોદીએ ચિરાગ શેટ્ટી સાથે મરાઠીમાં વાત કરી તો તેમણે પ્રણોય સાથે પણ મેચ પર વાત કરી. મોદીએ બધાને પૂછ્યું કે તમને ક્યારે લાગ્યું કે આપણે જીતી શકીશું. જવાબમાં શ્રીકાંત અને લક્ષ્યે કહ્યું કે ક્વાર્ટર ફાઈનલમાં ક્લોઝ મેચ જીત્યા બાદ ટીમને ટાઈટલ જીતવાની આશા જાગી હતી.
