નમસ્કાર ગુજરાત ન્યૂઝ.
વૈશ્વિક મહામારી કોરોનાએ જનજીવનને ખરાબ રીતે પ્રભાવિત કર્યુ. આનાથી બચવા માટે દુનિયાના લગભગ તમામ દેશોએ નાગરિકોની સુરક્ષાને જોતા લોકડાઉન જેવા તમામ પ્રતિબંધ લાગુ કર્યા. જોકે વેક્સિનેશન શરૂ થયા બાદથી લગભગ તમામ દેશોમાં કોરોનાના કેસમાં ઘટાડો નોંધાયો છે. જેને ધ્યાનમાં રાખતા તમામ દેશ ધીરે-ધીરે પોતાના ત્યાંના નાગરિકોને પ્રતિબંધોથી મુક્ત જીવન આપવાનો પ્રયત્ન કરી રહ્યા છે. આ સમયમાં એક દેશ ઓસ્ટ્રેલિયા પણ છે. જેને નાગરિકોએ દુનિયાના સૌથી લાંબા લોકડાઉનનો સામનો કર્યો. હાલ વર્તમાન પરિસ્થિતિને જોતા અહીંની સરકાર લોકોને મોટી અનુકૂળતા આપવાની તૈયારીમાં છે.
જલ્દી જ હટી જશે કોરોનાનો પ્રતિબંધ
મેલબર્નના અધિકારીઓએ રવિવારે જણાવ્યુ કે આ સપ્તાહના અંત સુધી ઘરે રહેવા જેવા તમામ પ્રતિબંધ હટાવી દેવાશે. માર્ચ 2020 સુધી પાંચ મિલિયન ઓસ્ટ્રેલિયાઈ નાગરિકોને લગભગ નવ મહિના એટલે કે 262 દિવસ સુધી છ વખત લોકડાઉન હેઠળ ઘરમાં કેદ રહેવુ પડ્યુ. ઓસ્ટ્રેલિયાઈ અને અન્ય મીડિયા રિપોર્ટસ અનુસાર આર્જેન્ટિનાની રાજધાની બ્યૂનસ આયર્સમાં લાગેલા 234 દિવસના લોકડાઉન બાદ ઓસ્ટ્રેલિયાનુ લોકડાઉન દુનિયાનુ સૌથી લાંબુ લોકડાઉન હતુ. ઓસ્ટ્રેલિયામાં કોરોનાનુ જોખમ હજુ સમગ્ર રીતે ટળ્યુ નથી કે એવામાં સ્થિતિઓનો સામાન્ય અને શ્રેષ્ઠ બનાવવા માટે એ આશા કરવામાં આવી રહી છે કે આ સપ્તાહે કોરોના વેક્સિનેશન 70 ટકા સુધી વધી શકે છે.
કેટલાક વિસ્તારમાં નથી એક પણ કોવિડ કેસ
ઓસ્ટ્રેલિયામાં કોરોનાના તાજા આંકડા અનુસાર રવિવારે 1838 નવા કોવિડના કેસ સામે આવ્યા છે આ સિવાય સાતના મોત પણ થઈ ચૂક્યા છે. ઓસ્ટ્રેલિયાના 80 ટકા નાગરિકોને કોરોના વેક્સિનેશન પૂરૂ થતા જ લોકડાઉનની સંભાવનાઓ પર બ્રેક લાગી શકે છે. ઓસ્ટ્રેલિયાઈ હેલ્થ એક્સપર્ટ જણાવે છે કે ન્યૂઝીલેન્ડના સાઉથ દ્વીપમાં કોરોના સંક્રમણનો એક પણ કેસ નથી, તેથી ત્યાંથી ક્વારન્ટાઈન ફ્રી યાત્રા બુધવારે જારી રહેશે.
સિંગાપુર-ઓસ્ટ્રેલિયાની વચ્ચે શરૂ થશે યાત્રા
ઓસ્ટ્રેલિયાઈ સરકાર પણ સતત સિંગાપુર સરકાર સાથે બંને દેશો વચ્ચેની યાત્રા જારી રાખવાના વિષયમાં વાતચીત કરી રહી છે. જોકે ઓસ્ટ્રેલિયા અને સિંગાપુરની વચ્ચેની યાત્રા માત્ર તે યાત્રીઓ માટે સંભવ થઈ શકશે જે નાગરિક કોરોના વેક્સિનના બંને ડોઝ લગાવી ચૂક્યા છે. તાજેતરમાં જ ઓસ્ટ્રેલિયામાં કોરોનાના કેસમાં વૃદ્ધિ જોવા મળી છે પરંતુ કેટલાક વિકસિત દેશોની તુલનામાં ઓસ્ટ્રેલિયામાં કોરોના સંક્રમણના કેસ ઓછા છે.
ન્યુઝીલેન્ડમાં પણ ઘટી રહ્યા છે કોવિડ કેસ
પાડોશી દેશ ન્યુઝીલેન્ડ કોરોના વેક્સિનેશનની રફ્તાર વધીને કોવિડ-19નો સામનો કરવાની તૈયારી કરી રહ્યુ છે. કોરોનાના તાજેતરના આંકડા અનુસાર રવિવારે ન્યુઝીલેન્ડમાં 51 નવા કોરોનાના કેસ સામે આવ્યા છે. જેમાંથી સર્વાધિક 47 કેસ દેશના સૌથી મોટા વિસ્તાર ઓકલેન્ડના છે. ન્યુઝીલેન્ડમાં ઓગસ્ટ મહિનાથી લોકડાઉન ચાલુ છે. ન્યુઝીલેન્ડ સરકાર દ્વારા ચલાવવામાં આવી રહેલા વેક્સિનેશન અભિયાનમાં શનિવારે 2.5 ટકાથી વધારે નાગરિકોને કોરોના વેક્સિન લગાવાઈ.
