નાસાનું મહત્વાકાંક્ષી ચંદ્ર મિશન એટલે કે આર્ટેમિસ 1 હાલ પૂરતું મોકૂફ રાખવામાં આવ્યું
નાસાની ઘણા વર્ષોની મહેનત પછી તૈયાર થયેલા આર્ટેમિસ 1 મિશનના પ્રક્ષેપણમાં વિલંબ થવાની સંભાવના છે. કારણ કે નાસાએ રોકેટમાં ઈંધણ લીક થતું જોયું છે અને હવે તેને મોકુફ રાખવામાં આવ્યું છે. NASA તેને 29 ઓગસ્ટ 2022ની સાંજે 6.30 થી 8:30 ની વચ્ચે લોન્ચ કરવા જઈ રહ્યું હતું.
નાસાનું મહત્વાકાંક્ષી ચંદ્ર મિશન એટલે કે આર્ટેમિસ 1 હાલ પૂરતું મોકૂફ રાખવામાં આવી શકે છે. કારણ કે 29 ઓગસ્ટ 2022ના રોજ લોન્ચ થયાના થોડા સમય પહેલા જ વૈજ્ઞાનિકોએ ઈંધણ લીક અને તિરાડો જોયા છે. હવે એવી આશંકા છે કે નાસા આ મિશનને થોડા સમય માટે સ્થગિત કરી શકે છે. વિશ્વનું સૌથી શક્તિશાળી અને સૌથી મોટું રોકેટ ફ્લોરિડામાં કેનેડી સ્પેસ સેન્ટર ખાતે લોન્ચ પેડ 39B પર સ્થિત છે. હાલ કાઉન્ટડાઉન બંધ કરી દેવામાં આવ્યું છે.
આર્ટેમિસ 1 મિશનની લોન્ચિંગ વિન્ડો 29 ઓગસ્ટ 2022ની સાંજે 6.30 થી 8:30 ની વચ્ચે હતી. નાસાએ સોમવારે સવારે કહ્યું કે અમે નાના ઇંધણ લીક સામે લડી રહ્યા છીએ. પરંતુ તેમણે એ નથી જણાવ્યું કે આ નાની સમસ્યા આ મિશનને કેટલું વિલંબિત કરી શકે છે. રોકેટમાં બળતણ તરીકે સુપર-કોલ્ડ હાઇડ્રોજન અને ઓક્સિજન ભરેલું છે. પરંતુ લીકેજના કારણે આ કામ અટકી ગયું હતું. આ પહેલા તોફાની હવામાનને કારણે રિફ્યુઅલિંગનું કામ પણ થોડા સમય માટે બંધ કરી દેવામાં આવ્યું હતું.
આર્ટેમિસ 1 એ અમેરિકન સ્પેસ એજન્સી નાસાનું મંગળ પર્સિવરેન્સ રોવર પછીનું સૌથી મહત્વપૂર્ણ મિશન છે. નાસા ચંદ્રની આસપાસ પરિક્રમા કર્યા પછી પાછા આવવા માટે સ્પેસ લોંચ સિસ્ટમ (SLS) રોકેટ દ્વારા ઓરીયન સ્પેસશીપ મોકલી રહ્યું છે. જેથી વર્ષ 2025માં આર્ટેમિસ મિશનનો આગળનો ભાગ ચંદ્રની સપાટી પર માનવો માટે મોકલી શકાય. પરંતુ હાલ પુરતું આજના લોન્ચમાં વિલંબ થવાની સંભાવના છે. જો બળતણ લીક કોઈપણ ક્રેકને કારણે છે. તેથી પહેલા ટાંકીઓ ખાલી કરવી પડશે. તે પછી તે તિરાડને યોગ્ય રીતે રિપેર કરવાની રહેશે. આ પછી, રોકેટને ઇંધણ ભરીને ટેકઓફ માટે તૈયાર કરવું પડશે. આ કામમાં 24 કલાક કે તેથી વધુ સમય લાગી શકે છે.
