મુંબઇ ઇન્ડિયન્સે કોલકતા નાઇટ રાઇડર્સને પાંચ વિકેટે હરાવ્યું, કોલકતા નાઇટ રાઇડર્સ 185/6 , મુંબઇ ઇન્ડિયન્સ 186/5, વેંકટેશ અય્યરે 51 બોલમાં 104 રન નોંધાવ્યા

IPL 2023ની આજે (16 એપ્રિલ) પ્રથમ મેચમાં મુંબઈ ઈન્ડિયન્સે શાનદાર જીત નોંધાવી હતી. અહીં મુંબઈની ટીમે કોલકાતા નાઈટ રાઈડર્સને 5 વિકેટે કચડી નાખ્યું હતું. મુંબઈએ 14 બોલ બાકી રહેતા મેચ જીતી લીધી હતી. ખાસ વાત એ છે કે KKR માટે આ મેચમાં વેંકટેશ અય્યરે 51 બોલમાં 104 રનની ધમાકેદાર ઇનિંગ રમી હતી. જોકે મુંબઇ ઇન્ડિયન્સની શાનદાર બેટિંગને પગલે અય્યરની સદી એળી ગઇ હતી.

આ મેચમાં મુંબઈ ઈન્ડિયન્સે ટોસ જીતીને પ્રથમ બોલિંગ કરવાનું પસંદ કર્યું હતું. સચિન તેંડુલકરના પુત્ર અર્જુન તેંડુલકરે મુંબઈ માટે પ્રથમ ઓવર ફેંકી હતી. અહીં તેની ડેબ્યૂ આઈપીએલ મેચ હતી. તેણે પ્રથમ ઓવરમાં માત્ર 5 રન આપ્યા હતા. અહીં બીજી ઓવરમાં કેમરૂન ગ્રીને મુંબઈને પ્રથમ સફળતા અપાવી હતી. તેણે નારાયણ જગદીશન (0)ને પેવેલિયનમાં મોકલ્યો હતો. અહીંથી વેંકટેશ અય્યર પિચ પર આવ્યો અને તેણે આવતાની સાથે જ જોરદાર બેટિંગ શરૂ કરી. જોકે, બીજા છેડેથી નિયમિત અંતરે વિકેટો પડતી રહી.

વેંકટેશ અય્યરે ધમાકેદાર સદી ફટકારી હતી
ઓપનર રહેમાનુલ્લાહ ગુરબાઝ (8), સુકાની નીતિશ રાણા (5) અને શાર્દુલ ઠાકુર (13) કંઈ ખાસ કરી શક્યા ન હતા. વેંકટેશ અય્યર એકલાએ મુંબઈના બોલરોને તોડી નાખ્યા. તે કુલ 159 રન પર આઉટ થયો હતો. તેણે 51 બોલમાં 104 રન બનાવ્યા હતા. આ ઇનિંગમાં તેણે 9 સિક્સર ફટકારી હતી. તેના આઉટ થયા બાદ રિંકુ સિંહ પણ 18 રન બનાવીને પેવેલિયન ગયો હતો. જો કે, છેલ્લામાં, આન્દ્રે રસેલે 11 બોલમાં 21 રન ફટકારીને KKRનો સ્કોર 185/6 સુધી પહોંચાડ્યો હતો. મુંબઈ તરફથી રિતિક શોકેને 34 રનમાં બે વિકેટ ઝડપી હતી. પીયૂષ ચાવલાએ પણ માત્ર 19 રન આપીને આર્થિક રીતે બોલિંગ કરતા 4 ઓવરમાં એક વિકેટ લીધી હતી. અર્જુન તેંડુલકરે અહીં બે ઓવર નાખી અને 17 રન આપ્યા.

મુંબઈની ઓપનિંગ જોડીએ શાનદાર શરૂઆત આપી
186 રનના ટાર્ગેટનો પીછો કરવા ઉતરેલી મુંબઈએ ધૂમ મચાવી દીધી હતી. રોહિત શર્મા અને ઈશાન કિશને પ્રથમ વિકેટ માટે માત્ર 29 બોલમાં 65 રન જોડ્યા હતા. અહીં રોહિત શર્મા (20)ને સુયશ શર્માએ પેવેલિયન મોકલ્યો હતો. જોકે આ પછી પણ ઈશાન કિશને રન ભેગા કરવાનું ચાલુ રાખ્યું હતું. તે 25 બોલમાં 58 રન બનાવીને આઉટ થયો હતો. આ પછી સૂર્યકુમાર યાદવ અને તિલક વર્માએ ચાર્જ સંભાળ્યો હતો.

તિલક વર્માએ 25 બોલમાં 30 રનની ઇનિંગ રમી હતી, જ્યારે સૂર્યા 25 બોલમાં 43 રન બનાવીને આઉટ થયો હતો. નેહલ વડેરા 6 રન બનાવીને આઉટ થયો હતો. છેલ્લી મેચમાં ટિમ ડેવિડ (24) અને કેમરન ગ્રીન (1)એ મુંબઈને જીત અપાવી હતી. KKR તરફથી સુયશ શર્માએ બે વિકેટ ઝડપી હતી. વરુણ ચક્રવર્તી, લોકી ફર્ગ્યુસન અને શાર્દુલ ઠાકુરને એક-એક વિકેટ મળી હતી.