એમેજોન પ્રાઇમ પર આવશે મિર્ઝાપુરનો ત્રીજો ભાગ, રિલીઝ ડેટને લઇ ચાહકો ઉત્સાહિત
અમેઝોન પ્રાઇમની વેબ સિરીઝ મિર્ઝાપુરની ત્રીજી સીઝનની લોકો આતુરતાથી રાહ જોઈ રહ્યા છે. અગાઉની બંને સિઝન માટે દર્શકો તરફથી ઉત્તમ પ્રતિસાદ મળ્યા બાદ હવે મેકર્સ ‘મિર્ઝાપુર 3’ રિલીઝ કરવાની તૈયારી કરી રહ્યા છે. દરમિયાન, શ્રેણીના ગુડ્ડુ પંડિતે ચાહકોની ઉત્તેજના બમણી કરી દીધી છે.
વાસ્તવમાં, સીરીઝની છેલ્લી બે સીઝનને મળેલા અપાર પ્રેમ પછી, મેકર્સે થોડા સમય પહેલા મિર્ઝાપુરની સીઝન 3 ની જાહેરાત કરી હતી. હાલમાં જ આ સીરિઝમાં ગુડ્ડુ પંડિતની મહત્વની ભૂમિકામાં જોવા મળતા અભિનેતા અલી ફઝલે પોતાની એક તસવીર પોસ્ટ કરી છે, જે સોશિયલ મીડિયા પર ખૂબ જ વાયરલ થઈ રહી છે. તસવીર શેર કરતી વખતે તેણે ‘મિર્ઝાપુર’ વિશે એવી વાત લખી છે, જેને વાંચીને દર્શકો ઉત્સાહિત થઈ ગયા છે.
જે તસવીર સામે આવી છે તેમાં ગુડ્ડુ પંડિતની જોરદાર સ્ટાઈલ જોવા મળી રહી છે. આ બ્લેક એન્ડ વ્હાઇટ તસવીરમાં અલી ફઝલ હાથમાં બંદૂક લઈને ગુસ્સાની નજર સાથે કેમેરામાં જોઈ રહ્યો છે. આને શેર કરતા અભિનેતાએ કેપ્શનમાં લખ્યું છે કે ‘અને શરૂઆત થઈ ગઈ છે. તૈયારી, રિહર્સલ, રિડીંગ… લાકડીઓ નહીં, હવે જૂત્તા નીચેથી ફાયર થશે અને ઉપરથી બંદૂકો પણ ફાયર કરશે. લગાઓ હાથ કમાઓ કાન્તાપ, ગુડ્ડુ આવી રહ્યો છે… પોતાની જાતે.
તસવીર આવતાની સાથે લોકોની પ્રતિક્રિયાઓ આવી રહી છે અને ચાહકોની સાથે, શોમાં ગોલુની ભૂમિકા ભજવનાર શ્વેતા ત્રિપાઠીએ પણ કોમેન્ટમાં લખ્યું, ‘વેઇટિંગ’. નોંધનીય છે કે મિર્ઝાપુરની પહેલી સિઝન 2018માં અને બીજી 2020માં આવી હતી. આ એક ક્રાઈમ થ્રિલર સીરિઝ છે, જેના પાત્રોને ખૂબ પસંદ કરવામાં આવ્યા હતા. હવે ચાહકો આ સિરીઝના ત્રીજા ભાગની રિલીઝ ડેટની રાહ જોઈ રહ્યા છે.
