સિડની છેલ્લાં 100 વર્ષથી ઓસ્ટ્રેલિયાનું સૌથી મોટું શહેર હતું, હવે મેલટનના મેલબોર્નમાં સમાવેશથી મળ્યો ખિતાબ
મેલબોર્ન: મેલબોર્નએ ઓસ્ટ્રેલિયાના સૌથી મોટા શહેર તરીકે સિડનીને પાછળ છોડી દીધું છે, જે તે 100 વર્ષથી વધુ સમયથી પ્રથમ સ્થાને હતું. મેલબોર્નના બહારના વિસ્તારોમાં વસ્તી ઝડપથી વધી રહી હોવાથી મેલ્ટનના વિસ્તારને સમાવવા માટે શહેરની મર્યાદાઓ વિસ્તૃત કરવામાં આવી છે.
જૂન 2021ના તાજેતરના સરકારી આંકડાઓ, મેલબોર્નની વસ્તી 4,875,400 છે જે સિડની કરતાં 18,700 વધુ છે. ઑસ્ટ્રેલિયન બ્યુરો ઑફ સ્ટેટિસ્ટિક્સ (ABS) શહેરનો “નોંધપાત્ર શહેરી વિસ્તાર” વ્યાખ્યાયિત કરે છે જેમાં 10,000 થી વધુ લોકો સાથેના તમામ જોડતા ઉપનગરોનો સમાવેશ થાય છે.
“2021 ની વસ્તી ગણતરીની વ્યાખ્યા મુજબ, સિડની કોર વિસ્તારમાં મેલબોર્ન કરતાં વધુ વસ્તી હતી. જો કે, નવીનતમ વર્ગીકરણમાં મેલ્ટન સાથે જોડાણના પગલે મેલબોર્નમાં સિડની કરતાં વધુ લોકો રહે છે – અને તે પણ 2018 થી જ વધુ જણાઇ આવ્યું છે.,” એબીએસના એન્ડ્રુ હોવે સોમવારે સિડની મોર્નિંગ હેરાલ્ડ અખબારને જણાવ્યું હતું, કે મેલબોર્ના બોર્ડર વિસ્તારને જોડતા આ સંભવ બન્યું છે.
Proud Sydneysiders ABS ના નિષ્કર્ષ તરફ ધ્યાન દોરશે કે જ્યારે ગ્રેટર સિડની અને મેલબોર્ન પ્રદેશોને જોતા, સિડની જૂન 2021 માં વધુ મોટું રહ્યું હોઈ શકે છે. કારણ કે મોટા શહેર વિસ્તારો તેમના “કાર્યકારી વિસ્તાર” ને ધ્યાનમાં લે છે અને તેમાં એવી વસ્તીનો સમાવેશ થાય છે જેઓ નિયમિતપણે શહેરની અંદર સામાજિક હાજરી ઉપરાંત ખરીદી અથવા કામ કરે છે, પરંતુ નાના નગરો અને આસપાસના ગ્રામીણ વિસ્તારોમાં પણ રહી રહ્યા છે. જો કે, ફેડરલ સરકારનો અંદાજ છે કે ગ્રેટર મેલબોર્ન 2031-32માં ગ્રેટર સિડનીથી આગળ નીકળી જશે.
આ પહેલીવાર નથી કે જ્યારે મેલબોર્ન ઓસ્ટ્રેલિયાના સૌથી મોટા શહેરનો ખિતાબ પોતાના નામે કર્યો હોય. 19મી સદીના ઉત્તરાર્ધના સોનાના ધસારાના પરિણામે, જેમાં વિક્ટોરિયા રાજ્યમાં સ્થળાંતર કરનારાઓનું ટોળું જોવા મળ્યું હતું, મેલબોર્ન ઝડપથી વિકસ્યું અને 1905 સુધીમાં સિડનીને પાછળ છોડી દીધું હતું. જૉકે ત્યારબાદ સિડનીનો વિકાસ ઝડપી જોવા મળ્યો હતો.
વર્તમાન સમયમાં ઑસ્ટ્રેલિયામાં ન્યૂ સાઉથ વેલ્સ દેશના સૌથી વધુ વસ્તી ધરાવતા રાજ્ય તરીકે પ્રથમ ક્રમે છે. વર્ષ 2032-33ના સમય સુધીમાં તેની વસ્તી 9.1 મિલિયન થશે જ્યારે વિક્ટોરીયાની વસ્તી 7.8 મિલિયન સુધી પહોંચે તેવો અંદાજ છે.વર્ષ 2032-2033 સુધીમાં, સિડનીની વસ્તી 6.06 મિલિયન સુધી પહોંચી શકે છે. મેલ્બર્નની વસ્તી 6.1 મિલિયન સુધી પહોંચે જશે તેવી શક્યતા સેવાઇ રહી છે.
