પાકિસ્તાનના પૂર્વ સીએમ નવાઝ શરીફની પુત્રી મરિયમ નવાઝ પાકિસ્તાનના પંજાબ પ્રાંતના સીએમ તરીકે ચૂંટાયા છે.
આ સાથે મરિયમ નવાઝે ઈતિહાસ રચ્યો છે કારણ કે મરિયમ નવાઝ પંજાબની પ્રથમ મહિલા સીએમ છે.
મરિયમ નવાઝે 220 મત મેળવ્યા અને સુન્ની ઇત્તેહાદ કાઉન્સિલના ઉમેદવાર રાણા આફતાબ અહેમદને હરાવ્યા. સુન્ની ઇત્તેહાદ કાઉન્સિલના સભ્યોએ મતદાનનો બહિષ્કાર કર્યો હતો, તેથી રાણા આફતાબ અહેમદને કોઈ મત મળ્યો ન હતો.
આંકડાઓ અનુસાર મરિયમ નવાઝ પંજાબની સીએમ બનશે તે નિશ્ચિત હતું.
પંજાબ એસેમ્બલીના સ્પીકર મલિક અહમદ ખાને પહેલા જ સ્પષ્ટ કરી દીધું હતું કે સીએમ પદ માટે જ વોટિંગ થશે અને એસેમ્બલીના કોઈ સભ્યને બોલવાની તક આપવામાં આવશે નહીં.
આ પછી થયેલા વોટિંગમાં મરિયમ નવાઝે આસાનીથી જીત મેળવી હતી. આ પહેલા પંજાબ વિધાનસભાના સભ્યોનો શપથ ગ્રહણ સમારોહ યોજાયો હતો, જેમાં 371માંથી 321 સભ્યોએ શપથ લીધા હતા. પંજાબ એસેમ્બલીના સ્પીકર અને ડેપ્યુટી સ્પીકરની ચૂંટણીમાં નવાઝ શરીફની પાર્ટી પીએમએલ-એન પણ જીતી હતી.
પીએમએલ-એનના મલિક મોહમ્મદ અહેમદ ખાન સ્પીકર તરીકે ચૂંટાયા અને તેમને 224 મત મળ્યા. જ્યારે મલિક ઝહીર ચાનર ડેપ્યુટી સ્પીકર તરીકે ચૂંટાયા હતા, જેમને 220 મત મળ્યા હતા.
મરિયમ નવાઝ પાકિસ્તાનના પૂર્વ પીએમ નવાઝ શરીફની પુત્રી છે. મરિયમ નવાઝે વર્ષ 1992માં સફદર અવાન સાથે લગ્ન કર્યા હતા.
સફદર અવાન પાકિસ્તાન આર્મીમાં કેપ્ટન રહી ચુક્યા છે. સફદર અવાન નવાઝ શરીફના સુરક્ષા અધિકારી પણ હતા. મરિયમ નવાઝને ત્રણ બાળકો છે.
મરિયમ નવાઝે 2012માં રાજકારણમાં પ્રવેશ કર્યો અને પિતા સાથે કામ કર્યું. મરિયમ નવાઝ 2024ની સામાન્ય ચૂંટણીમાં પાકિસ્તાનની નેશનલ એસેમ્બલી અને પંજાબ એસેમ્બલી માટે પ્રથમ વખત ચૂંટાઈ આવી છે.
